Café Lab (已結業)

嚟到長沙灣同荔枝角中間嘅一間小店 鄰近明愛醫院 個條街多數都係茶記中式等等嘅食物 呢間小店主打西餐元素 有意粉仲有肉類 鍾意食all day breakfast/ egg benedict等都有 仲有唔同嘅咖啡同tea latte 偏向工業風嘅設計配以各種乾花裝飾 小店入邊有四五張枱✨炙燒吞拿魚一上碟見到擺盤好靚 吞拿魚擺到到好似開花咁 吞拿魚上有意大利黑醋 配以旁邊圓點既芥茉醬 成件事賣相似藝術品 睇得出佢哋係擺盆上花了唔少心思 吞拿魚魚生片肉質比較結實 厚度都適中 同朋友share啱啱好✨焙茶牛奶過咗六點後最愛冇咖啡因嘅飲品 抹茶牛奶就容易 但焙茶牛奶就唔係間間Cafe都有 所以一見到我就會order焙茶牛奶 大大杯 焙茶粉落到足！✨蟹肉蟹子意粉一見到食用花心情就會特別好😂 再要讚多次佢哋對於食物擺盤真係落足心機 蟹肉新鮮 最愛蟹子嘅口感 用上扁意粉能夠將每粒蟹子混合一齊咁放入口中