Cafe首爾 (已結業)

去完德福睇早場想起得寶商場有間唔錯的韓國菜，一於帶朋友到Cafe首爾試下。不過都早左到，原來午市開12點。入到去環境闊落，感覺舒服，可以俾人係度慢慢食傾計。不過最重要都係食物味道。香脆蔬菜煎餅 - 煎餅真係香脆，而且有唔少蔬菜配料，口感豐富，配埋醬汁真係一流。韓式烤海鮮年糕 - 雖然D個菜唔平，但用料都交足貨，蝦同蜆都有唔少，而且夠香辣，配埋軟硬適中的年糕，真係停唔到口，而且分量真係唔少，大食如我到最後都食唔晒。韓式牛肋骨湯- 牛肋骨湯有香甜的牛肉味，只係牛肉有少少老，但味道係可以接受的。整體而言，我個人幾鐘意D間餐廳，味道唔係話好特出但感覺好地道，真材實料，而且價錢合理，環境都唔錯，下次可以再來試其他。