鳥棲日本料理 (已結業)

鳥棲日本料理星期五同男朋友搵咗呢間日本料理餐廳放鬆吓，呢間餐廳環境同埋佈置都好似Cafe，但係又有得食日本嘢喎，幾得意，坐落都好闊落好舒服，亦都冇話催交枱我覺得服務都幾好😛❤️芝士明太子蛋卷蛋捲略為厚實，但蛋味香濃，明太子都俾得好多好足料🧡原條鰻魚炒飯呢個真係超揼本，佢嘅炒飯仲要沾滿鰻魚汁，真係好好食，不過食得多會有d膩，因為好多鰻魚汁💛雙重芝士年糕呢個佢一煮好即送上枱，熱辣辣，年糕個面仲要炸到好脆，一咬入去啲芝士就唧出嚟💙他他醬魷魚圈呢個魷魚圈我覺得係最好食嘅，魷魚食材新鮮，炸到啱啱好，唔會好厚粉，他他醬少少酸好開胃，食完都勁想再嗌多一碟💚滑蛋黑毛豬扒飯男朋友話呢個飯都好好味，個汁係用洋蔥，蛋同豬扒整，溝撈落個飯度一齊食好送飯，豬扒唔會好硬，成個份量都好足