Burgeroom (美麗華廣場1期) (已結業)

男朋友同我都好鐘意啲濃味又帶點油膩既食物，既然要食當然要食啲油香豐富滋味既，今晚同男朋友黎到尖沙咀，食個漢堡晚餐。我就叫一杯玫瑰咖啡。玫瑰糖漿味道不太甜，玫瑰味道突出，咖啡甘香和玫瑰味非常配合，岩哂我依個咖啡迷。男朋友叫左一杯冰果茶。茶味冰凍突出，減低油膩感，清甜清香。薯絲蝦。薯蓉包上大蝦，炸得香口不油膩，鐘意薯味十足，蝦肉爽彈。鵝肝芝士牛肉漢堡。鵝肝油香濃郁，入口鵝肝味道突出，牛肉煎到半熟肉汁豐富，鐘意滿滿芝麻香的漢堡包最香口香脆。