Burgeroom (美麗華廣場1期) (已結業)

每日收工都要諗吓食乜尋日打邊爐,前日就食咗泰國菜，今日好想食下啲burger，梗係要去最多人食又多人推介嘅burgeroom 度試吓呢間餐廳原來係由2007年香港人創立，專系做美式嘅漢堡生意，仲越早越好，仲有好多分店餐廳有戶外同埋室內嘅位置，見到餐牌估計都起碼有40款以上漢堡可以選擇雞，鴨，牛，海鮮同素肉都有齊，招牌就係極度邪惡嘅鵝肝漢堡，所以我今日就要來試吓雙鵝肝牛肉漢堡 ，超級巨型嘅漢堡包，第一次試漢堡包配鵝肝，味道真係非常好食，一試難忘。鵝肝煎到好香，賣相非常吸引。入口口感軟熟，鵝肝味道好香口惹味，半溶嘅芝士加上牛肉，一啖咬落去仲係好多肉汁，味道同口感真係一流，估唔到鵝肝配上牛肉同芝士味道可以咁夾，呢個漢堡真係一定要試，100分。雙鵝肝雞柳漢堡，同樣都係超級巨型嘅漢堡包，雞柳肉質鮮嫩多汁，入口味道好香，雞柳同鵝肝味道仲夾，感覺比牛肉更加香，第一次食咁好味嘅漢堡包，另外餐廳有啤酒提供，用嚟配搭漢堡包同食薯條炸雞都係一流。今日揸車所以冇飲啤酒，點左杯咖啡，估唔到咖啡味道都好香濃，入口好幼滑，呢間餐廳食物真係做得好出色，係度食嘢感覺都幾舒服。難怪咁多人幫襯。