更多
2018-05-21
945 瀏覽
Bellissimo 意大利文係美麗。如果用美麗來形容一間餐廳，個個人嘅定義都唔同。可能你會覺得係間餐廳外貌好靚，又或者啲餸菜外觀好好，所以你話佢美麗。但係我今次用 bellissimo 係想形容食物嘅味道，同埋佢抵食嘅程度。我第一日自己一個人去試咗呢一間餐廳，之後第二日，我同事請食晏，我又提議佢去呢間餐廳食，所以我連續兩日去咗同一間餐廳食晏。不過喺呢度我想講一下我第一日去你間餐廳嘅感覺。外面睇入去，由於玻璃反光嘅關係，同埋裏便比較暗，所以唔係好睇到。我都係出邊睇咗好耐，嘗試裝入去睇吓裏面，可能係咁關係，侍應就開咗道門，邀請我入去餐室。裏面嘅佈置，有啲古典味，有啲磚牆，有啲舊嘅相，一啲圓拱型嘅柱，同埋有個用嚟放酒嘅鐵架，鐵架上放咗好多好多酒，感覺有少少似係酒窖裏面嘅餐廳。Lunch set 我叫咗凱撒沙律同埋雜菌雞肉意大利飯。凱撒沙律味道唔錯，啲沙律醬唔會太多，亦都唔會太鹹。雜菌雞肉意大利飯，份量剛好，菇方面有冬菇加上秀珍菇，兩種菇有唔同嘅咬口同味道。意大利飯我食到有雞湯味同埋有啲洋蔥粒。雞肉亦都OK，唔會太乾。味道亦都唔錯。侍應禮貌都幾好。我走嗰陣時，侍應都有禮貌地幫我開咗道門講句多
外面睇入去，由於玻璃反光嘅關係，同埋裏便比較暗，所以唔係好睇到。我都係出邊睇咗好耐，嘗試裝入去睇吓裏面，可能係咁關係，侍應就開咗道門，邀請我入去餐室。
裏面嘅佈置，有啲古典味，有啲磚牆，有啲舊嘅相，一啲圓拱型嘅柱，同埋有個用嚟放酒嘅鐵架，鐵架上放咗好多好多酒，感覺有少少似係酒窖裏面嘅餐廳。
Lunch set 我叫咗凱撒沙律同埋雜菌雞肉意大利飯。凱撒沙律味道唔錯，啲沙律醬唔會太多，亦都唔會太鹹。雜菌雞肉意大利飯，份量剛好，菇方面有冬菇加上秀珍菇，兩種菇有唔同嘅咬口同味道。意大利飯我食到有雞湯味同埋有啲洋蔥粒。雞肉亦都OK，唔會太乾。味道亦都唔錯。
侍應禮貌都幾好。我走嗰陣時，侍應都有禮貌地幫我開咗道門講句多謝。咁即係話入嚟嗰陣時佢幫我開門，走嗰陣時佢又幫我開多一次門。
呢間餐室其中一個重點就係佢價錢唔貴HK$108一個lunch set。仲包埋杯咖啡。如果叫牛扒或者雞扒都只不過係加HK$10。
PS 係我影個張單嘅時候先發現原來呢間餐室係 al dente group。 相比起SOHO嗰間 al dente，呢間明顯係好一啲。
總結
- bellissimo 係想形容食物嘅味道，同埋佢抵食嘅程度
- 連續兩日嚟呢度食晏
- 外邊唔容易睇入去裏邊
- 推介：雜菌雞肉意大利飯
- 入嚟嗰陣時侍應幫我開門，走嗰陣時佢又幫我開多一次門
- HK$108一個lunch set
- 如果叫牛扒或者雞扒都只不過係加HK$10
凱撒沙律
20 瀏覽
0 讚好
0 留言
雜菌雞肉意大利飯
15 瀏覽
0 讚好
0 留言
Coffee
9 瀏覽
0 讚好
0 留言
張貼
