牛魔王既我提議試下呢間我早就相中左既鹿兒島燒肉
因為見佢有宵夜放題，仲要係上盛既質素
當然要去試下啦😛
一上到3樓出𨋢就見到一顆聖誕樹，都幾有節日氣氛
好襯個餐廳名既顏色
睇張Menu已經見到有30款食物可以任食，雖然牛只係每人得8件，但以宵夜黎講真係勁大罪惡感呀
其他食物種類都好多平時食開某角既小妹，睇黎今日可以試更多野食
井井有條既擺位，仲有柚子豉油
叫完餐等左一陣主角就登場啦
作為牛魔王既我，要比好多分佢個木既盛盤
因為係一隻牛牛咁既樣好可愛！而且仲放埋係相應部位，等你知道係食緊邊part
牛側胸腹肉
真係好正，夠晒牛味又有口感，新鮮先可以燒完出黎仲咁林香鮮味而且爐火適合所以燒出黎就算普通人都燒到有網紋我仲回味緊
小妹自戀一下，以普通人黎講燒成咁要讚下自己
仲有人人都喜歡既牛舌
佢好爽口，係一片薄切，但亦唔會冇牛味，輕輕吱上小小檸檬汁，味道更鮮不過略帶一點咸
呢個沙律小妹同朋友基乎一人叫左一客，食食下牛覺得膩都唔怕，食下沙律就可以再開波
食下黑豚肉雞肉同飲下味噌湯都係個唔錯既選擇
仲有一口芝士食
呢個好正呀！好濃芝士味又唔會好厚炸粉，一口一舊就太漏，小妹分兩啖食都啖啖芝味架
黑豚肉係薄切，一樣非常新鮮，脂肪分佈都算均勻
呢個調味稍咸
場內都有啲清酒擺設
其實我最欣賞餐廳既地方係佢地好細心，有呢一頁可以比大家了解到更多食緊邊個位，至少作為牛魔王既小妹，我會想了解更多關於牛唔同部位既野
整體黎講，我好希望餐廳keep住做呢個宵夜時段既放題呀
因為有時接開家姐收工都可以去食幸福感滿滿
