回到味來 (已結業)

旺角好多雞煲選擇，今次揀嚟呢間食，係因為喺ig見到好多人讚，而且佢哋新出咗半放題雞煲，雞煲可以任食，好抵！小食金蒜咸蛋黃扇貝，因為加咗蛋黃食落好粉，口感好正。唔辣嘅雞煲都夠惹味，同埋入面有好多菇，煮到入哂味。食完雞煲就轉打邊爐，有牛頸脊同好多海鮮，仲有好多款打邊爐嘅配料任叫。落完單好快送到，而且任叫唔驚食唔飽。海鮮都好夠新鮮，煮完好爽口彈牙，可惜無得任食餐廳仲有隻future仔好得意好搞笑，一定要去睇吓佢。