米線陣 (已結業)

帶住BB, 平日出街食飯好多限制。首選餐廳，必須要有 High Chair，而且環境如果舒適寬敞就最好。平日看到「米線陣」有好多分店，今晚發現大埔都開咗一間，一入門口問服務員有冇BB凳，佢話有，諗都唔諗就即刻入咗去。店內環境十分簡潔，光猛舒適。可能是新店，衛生等各方面一切暫時很好。服務員態度亦相當 helpful ，主動幫我地提供BB凳，又主動說明店內「自助滲水區」位置。「濃茄雞脾肉蟹棒稻庭烏冬」。坦白講，味道一般，湯底OK（雖然不能算是「濃茄」） ,可惜雞肉雪藏味大左啲，而且不太入味。驚喜位，有油炸鬼配料兩粒，腐竹兩小塊，大大隻冬菇一隻。「香濃擔擔麵米線配大汗豬扒」。味道同樣是一般，湯底不算得上「香濃」，豬扒味道尚可，小辣。