米線陣 (已結業)

今日黎食米線陣，但我唔係食米線，改左食烏冬！非常之出色的！紅油珍珠餃子，對我黎講，有點辣，但非常香口！烏冬配呢個蕃茄湯係正的，烏冬索哂蕃茄湯底，食嘅時候係好入味！而且呢度啲牛肉夠軟身，唔會咬唔開！

大埔分店啱啱開嘅時候 , 佢個麻辣湯底好好味 , 每個星期都會去, 仲比錢做埋會員 , 但之後佢轉咗湯底 , 唔岩口味 , 整體質素都下降 , 就冇再去啦 今日再去返 , 發現質素進步左 , 麻辣湯底好似變返以前咁小食同米線配料多咗選擇 , 有鮮蝦同魷魚鬚 !  😍😍餐牌 :金錢肚 + 爽甜鮮蝦四川麻辣湯米線 (微辣) ($47) 上菜時個擺盤冇咁靚, 係自己執返好影相啫 🤣🤣爽甜鮮蝦 $12 有 3 隻都幾抵 , 而且爽口新鮮 ! 推介 !金錢肚都有 4 , 5 片 , 入味好食 , 米線偏煙韌 , 浸耐左都唔會好淋湯底又麻又辣 , 個人鍾意呢個麻辣湯底多過 _ 仔竹笙 + 魷魚鬚香菜豬骨濃湯米線 ($45)竹笙份量都幾多 , 魷魚鬚有 6 條 , 爽口不過略嫌份量少咗啲啲 , 性價比冇 $12 3 隻蝦咁抵 , 湯底無咩特別花雕醉雞翼 ($24)好香花雕酒味 , 好入味 , 🤤🤤🤤 3 隻真係唔夠喉 芒果鐵觀音 (跟餐 + $15)成個鐵觀音茶包放落去 , 杯底有芒果肉碎 撈埋一齊 , 飲到鐵觀音嘅茶味 , 亦都飲到芒果甜甜酸酸嘅味道 , 仲有啲果蓉咬下 , 配搭夠曬特別 , 唔錯

今朝咁啱入咗大埔做嘢,11點嘅時候想搵間茶餐廳食個早餐,點知間間都好full,有一間啱啱又話停咗早餐,得米線陣唔使等位所以就入去試下。揀咗蕃茄牛肉通心粉,好快就上菜,係有集團式一貫速度👍🏻碗通心粉入面有隻好大嘅匙羹(食拉麵用個種),而枱上面嘅餐具籃就只有筷子同叉, 換言之,通心粉係要用碗入面嗰隻非常大嘅匙羹黎進食,我覺得有啲唔user-friendly。講返碗通心粉,由於集團式經營本身我已經唔會抱好大期望,但係呢碗個樣真係好唔吸引,牛肉好嚡好老,白雪雪無乜味,蕃茄湯偏淡,可以話係純粹填飽個肚,同埋勝在唔使等位。早餐呢碗通心粉加杯凍飲承惠$30,抵唔抵就見仁見智,至於本人就未必再會食佢既早餐啦,不過相信大集團始終都會有一批捧場客既。

同女朋友收工，唔個食咩好，見到間米線陣新開，又好多人排，所以入左去試試。我地叫左個二人餐，但二人餐真係好大份，2個人完全食唔晒。可以揀2個湯麵，每個麵可以揀2個送。同埋2個小菜、2杯飲品。佢有好多湯底揀，例如重慶酸辣、蕃茄湯、沙嗲湯等等。我就揀左蕃茄湯，味道好濃，甜甜地，好開胃。而送可以自己揀咁我叫左豬大腸同豬頸肉。兩樣送麵好入味。豬大腸佢炆到好軟，入口即溶。而豬頸肉就好脆。我覺得最好食麵係個小菜，醉糟雞翼。好香酒既味道，非常入味。如果大食而又鍾意米線既 可以一試二人餐。細食就叫一碗麵好喇。

食物都還可以，食米線既你想啲野有幾好質素。只係今日去食左早餐，叫左杯凍奶茶，佢竟然話公司唔比飲筒。喂，你環保唔用膠飲筒我明白既，好支持添。但係依家有其他款既飲筒嫁麻，紙飲筒都可以嫁。凍野冇飲筒點飲，成隻牙麻痺晒

米線食過好多好多間，偏偏就係未食過呢間米線陣，適逢星期六下午，周圍餐廳都滿座，費事行就諗住試下呢間米線陣。一入去都覺伏伏地，竟然有咁多位同附近餐廳好多對比～不過唔試唔知時運高既....但試完就知錯肥牛魚腐米線$43散點無飲品跟，$43比起好多米線店已經係偏貴，但貴得黎，米線份量唔多，至少我食唔飽；然後所謂既肥牛，得兩片碎牛魚腐兩粒然後，下午茶餐生炸豬扒米線$39下午茶既米線更少，麻辣味一點都唔突出，塊豬扒何來生炸

今日試食朋友介紹嘅椰子雞煲比較奇怪嘅係，個煲可公加菜，牛肉等但menu唔見有，要先scan QR code點餐我地二人點左一個煲，加左$20牛肉，$12唐生菜牛肉係抵加嘅，但唐生菜就唔太抵，而且d菜都有兩三塊有黑邊個煲睇落好少米線但原來都有三碗滿嘅米線，而且可以加椰子湯椰子湯幾香，不過個人覺得如果一人餐黎講，呢個價錢唔算好抵食，唔加任何野的話，夠飽但唔夠肉同菜，本身個餐包一杯drink就已經$76但如果二人share, $76+20+12, 冇加一就算抵食一開始覺得個煲又細，夾野又唔方便，但原來佢見你夾晒d野去煲後會移走上面果層

叫凍華田走奶濃啲，出到黎變華田水! 叫佢加返濃啲又唔肯，一句冇得加就算叫兩個米線已問加底係咪唔駛加錢，但落單果陣又冇落到加底，黎左之後問佢，態度又超差話要落單時叫，落單後冇得加。總之服務超差!!!!!!

食米線通常都是在譚仔，但見到這間米線陣的款式覺得好新鮮，而我之前記得幫襯過兩次了，而兩次都覺得好食，啲餸唔似得譚仔，而我就叫咗個下午茶餐食，但size比較細，但味道相當唔錯，而最出色就是佢哋杯皇牌青瓜豆漿，真是非常清新。

帶住BB, 平日出街食飯好多限制。首選餐廳，必須要有 High Chair，而且環境如果舒適寬敞就最好。平日看到「米線陣」有好多分店，今晚發現大埔都開咗一間，一入門口問服務員有冇BB凳，佢話有，諗都唔諗就即刻入咗去。店內環境十分簡潔，光猛舒適。可能是新店，衛生等各方面一切暫時很好。服務員態度亦相當 helpful ，主動幫我地提供BB凳，又主動說明店內「自助滲水區」位置。「濃茄雞脾肉蟹棒稻庭烏冬」。坦白講，味道一般，湯底OK（雖然不能算是「濃茄」） ,可惜雞肉雪藏味大左啲，而且不太入味。驚喜位，有油炸鬼配料兩粒，腐竹兩小塊，大大隻冬菇一隻。「香濃擔擔麵米線配大汗豬扒」。味道同樣是一般，湯底不算得上「香濃」，豬扒味道尚可，小辣。

擔擔麵我最推介食到小辣既人食,湯底比其他好食。配既豬扒都算大塊。不得不提佢個花雕醉雞翼,酒下太重手,雞翼食落變得太苦。其他野都係好普通既味道。飲品芒果鐵觀音個茶味淡淡地但都解渴既。

之前食過天水圍嗰間今次就試吓大埔新開依一間地方幾闊落嘅，左手面有一排自閉位一個人食都冇咁尷尬不過我今日自己一個人來侍應就安排左我同另外一個食客一台…而其實自閉位係有位嘅不過就兩位兩位咁啲空位都可能佢想留返比兩個人左右一齊坐掛是但啦照叫左個特盛米線，麻辣大辣加個麻辣青瓜青瓜上到黎就出事啦一睇就知整咗好耐唔係叫先至加汁果種完全無咗爽脆嘅感覺…而且又唔夠辣失望米缐上到嚟又係出事啦大辣咁嘅色嘅咩…搞兩搞飲一啖味精湯＋10小辣咁上下！而且完全冇麻辣味喂我食開特辣架同侍應講係咪落錯左湯底佢仲話係我冇攪勻不過可以幫我加辣廚房就求其幫我加左兩匙辣椒油係上邊完全唔係嗰回事喎米線個湯底唔得真係係咁先上次天水圍嗰間個番茄麻辣都OK唔係咁個喎講番啲材料其實都係好食嘅特別係呢個肉球入邊有冬菇馬蹄肥豬肉，幾好食臨走侍應仲問我夠唔夠辣佢話頭先再拎比我嗰陣時話聞到都覺得辣…唉我笑笑口擰擰頭講都費事講材料其實唔差嘅如果鍾意食清清地米線OK囉但就真係唔係幾啱我…

從未試過响餐廳激氣到拍枱走人，今日下午茶時段，在大埔中心那間米線陣order一碗米線，等了約半小時，心感不妙，於是請侍應幫我睇吓有無漏單，第一個侍應只是應了我一聲，但仍沒有回覆，再問第二個，第三個侍應都只是應了，但沒有認真跟我張單，到問第四個侍應，才回覆我根本無落單。竟然白等了半小時，問了四個侍應才告訴你無落單。那時，我明白甚麼叫「氣炸」了，真是氣得我拍枱走人。我不要求殷勤的侍候，但最起碼要認真一點跟進客人的落單吧。