影片
更多
2020-01-28
817 瀏覽
一月頭的晚上，剛巧在海港城約了朋友交收。碰巧有新店都在海港城開幕，特別係當文歷餅店開左幾日，眾多朋友都去咗朝聖，大家都趕住寫返篇食評，正所謂執輸行頭慘過敗家。但當晚八點去到，真係敗家，基本上餅店所有嘢已經售罄和沽清。不過下午六點才吃了個下午茶的我，雖然唔太肚餓，在吃不到當先生的情況下，心有不甘，好似點都要食啲嘢先安樂。於是就投入咗Paulo嘅懷抱中。創辦人兼行政總廚 Paulo Airaudo 係國際廚壇屢獲殊榮，非常出名，在歐洲多國多家著名食府擔任過大廚，而Amelia就係佢係聖塞巴斯提安之著名米芝蓮星級食府，今次佢將呢個品牌帶來香港，好多人都好有期望。當晚八點餐廳，竟然冇乜人，幾位朋友剛巧前幾日來過，又話呢樣好食果樣好食，搞到我就算唔肚餓都特登坐低試幾樣野。好奇下，我決定入去食。因為已經食咗野，所以只選了幾樣菜色試。第一樣就係M小姐讚的自家製麵包配牛骨髓。價錢設定有點奇怪，自家製麵包配牛油係$78，但呢個自家製麵包配牛骨髓都係$130，除非你唔食牛骨髓 ，如果唔係我諗唔明點解唔配牛骨髓。而且呢個菜式同樣配有面上配上鹽嘅牛油。麵包應該是即叫即整，夠熱辣辣，加上牛油同牛骨髓，實在是天衣
碰巧有新店都在海港城開幕，特別係當文歷餅店開左幾日，眾多朋友都去咗朝聖，大家都趕住寫返篇食評，正所謂執輸行頭慘過敗家。
但當晚八點去到，真係敗家，基本上餅店所有嘢已經售罄和沽清。
不過下午六點才吃了個下午茶的我，雖然唔太肚餓，在吃不到當先生的情況下，心有不甘，好似點都要食啲嘢先安樂。
於是就投入咗Paulo嘅懷抱中。
創辦人兼行政總廚 Paulo Airaudo 係國際廚壇屢獲殊榮，非常出名，在歐洲多國多家著名食府擔任過大廚，而Amelia就係佢係聖塞巴斯提安之著名米芝蓮星級食府，今次佢將呢個品牌帶來香港，好多人都好有期望。
當晚八點餐廳，竟然冇乜人，幾位朋友剛巧前幾日來過，又話呢樣好食果樣好食，搞到我就算唔肚餓都特登坐低試幾樣野。
好奇下，我決定入去食。
因為已經食咗野，所以只選了幾樣菜色試。
第一樣就係M小姐讚的自家製麵包配牛骨髓。
價錢設定有點奇怪，自家製麵包配牛油係$78，但呢個自家製麵包配牛骨髓都係$130，除非你唔食牛骨髓 ，如果唔係我諗唔明點解唔配牛骨髓。
而且呢個菜式同樣配有面上配上鹽嘅牛油。
麵包應該是即叫即整，夠熱辣辣，加上牛油同牛骨髓，實在是天衣無縫的配搭。
就咁食一啖牛骨髓那些牛油，沾上點點的蔥香，讓我想起西環那間同樣食牛骨髓非常出名的店。
另外朋友F先生話呢個烤八爪魚配甜椒馬鈴薯醬係極級好食。
的確呢個比牛骨髓更加令人著迷。
八爪魚煮得剛好，有彈性又鮮味十足，點上那甜椒馬鈴薯醬是絕絕對好食。
如果你下次同樣有麵包記得要我返少少點個馬鈴薯醬。
野生鱈魚配椰菜及燻魚籽配鯷魚溫熱醬，相對好失望，
鱈魚幾大件，但都是一般的感覺，鯷魚溫熱醬同燻魚籽的出現的確令呢件平平無其嘅鱈魚生色不少，只不過相對三個菜式最普通係呢個。
三分二的東西都係幾impressive，只不過係鱈魚普通一點，綜觀來講，也可以一試，就如今晚，如果偶遇見冇人有位，絕對可以食下。
題外話，朋友M小姐讚呢度嘅火腿都非常好食，不過，當晚不肚餓叫不到咁多，你哋有機會黎，可以試下。
張貼
