影片
更多
2016-12-14
1958 瀏覽
以往的生日、紀念日，大都是吃西餐，因為比較有「慶祝」的感覺和氣氛的確是好些。今次想有D唔同，揀左食鐵板燒。我們想找些有和牛、龍蝦，多D野食的套餐（揀套餐係唔想煩😁😁），search到鐵板先生有個set好啱我地，所以就決定來吃這個set啦。七點來到，只有一枱客到左。我們被安排坐在吧枱的最邊。坐位之間頗迫，店員說當晩booking差不多滿，所以會迫D。唔緊要啦，多D人熱鬧D嘛。我們就點了一早想好的套餐，貪佢多野食。諗住飲D日本清酒伴鐵板燒，但竟然無，什麼酒都無，唯有自己出去買，好彩附近就有酒舖，買左枝平平地紅酒。頭盤有鮮蝦胡麻蔬菜沙律，D蝦好細隻，有D硬和無乜味刺身可揀兩款，有海膽、三文魚、甜蝦和帆立貝。我們選了海膽和帆立貝。海膽很細瓣，不過算甜，帆立貝都係小小的，還可以。湯係味噌魚頭湯，顏色帶魚白，味道比較豐富，無齋味噌湯咁單調，幾好味。第一道主菜是鮑魚。用的是南非鮑，size唔算好大，但十分新鮮，看著牠們在鐵板上痛苦地扭動，我有那麼一剎那的惻忍，但，最後當然是把牠們吃掉啦師傅話唔需要加調味，這個是不錯啦，因為新鮮，煮的時間掌握得好，肉質很有彈力👍。然後是帶子，每人一個，好大粒，每粒切開
我們想找些有和牛、龍蝦，多D野食的套餐（揀套餐係唔想煩😁😁），search到鐵板先生有個set好啱我地，所以就決定來吃這個set啦。
七點來到，只有一枱客到左。我們被安排坐在吧枱的最邊。坐位之間頗迫，店員說當晩booking差不多滿，所以會迫D。唔緊要啦，多D人熱鬧D嘛。
我們就點了一早想好的套餐，貪佢多野食。
諗住飲D日本清酒伴鐵板燒，但竟然無，什麼酒都無，唯有自己出去買，好彩附近就有酒舖，買左枝平平地紅酒。
頭盤有鮮蝦胡麻蔬菜沙律，D蝦好細隻，有D硬和無乜味
刺身可揀兩款，有海膽、三文魚、甜蝦和帆立貝。我們選了海膽和帆立貝。海膽很細瓣，不過算甜，帆立貝都係小小的，還可以。
湯係味噌魚頭湯，顏色帶魚白，味道比較豐富，無齋味噌湯咁單調，幾好味。
第一道主菜是鮑魚。用的是南非鮑，size唔算好大，但十分新鮮，看著牠們在鐵板上痛苦地扭動，我有那麼一剎那的惻忍，但，最後當然是把牠們吃掉啦師傅話唔需要加調味，這個是不錯啦，因為新鮮，煮的時間掌握得好，肉質很有彈力👍。
然後是帶子，每人一個，好大粒，每粒切開4小粒，不過不失。主角龍蝦來了。
師傅一次過做兩隻，我估每隻有一磅左右。首先把頭切出來，將D膏刮晒出黎，再把肉從殼中挑出切小塊。煮的時候師傅把牠們的頭放在一角示眾，之前刮起的膏用來做肉身調味醬汁，所以原汁原味，正。D頭同殼就用來做烏冬湯底，一D都無嘥！原來店子只入左幾隻龍蝦，四隻之後其他人都無有得食喇。如果想食龍蝦的朋友最好預早講定先。我見其他客人的套餐用兩隻一尺長蝦代替，但我還是覺得龍蝦正D。
另一主角係和牛，menu是寫A5和牛扒，我唔識分A幾，但望落雪花平均，頗大塊，這塊和牛是我揀呢間餐廳的原因之一，其他地方的套餐如有和牛，一般份量很小，每人得兩塊仔，但這塊算大，每人有5小塊左右， menu的單點價是$1488! 師傅問要幾熟，我地説medium rare, 不用太熟，效果很好，正是期待的口感，油份豐富，讚
果D切出來的牛邊，牛膏，師傅加埋D蔥蒜櫻花蝦一齊炒，好香，但好肥，我只吃一兩啖試下，可能係肥野，始終沒什麼興趣。
套餐的鵝肝我們換了銀雪魚，無乜特別。
烏冬十分普通，唔知係咪之前吃左好多野，覺得個烏冬無乜味，湯底淡，差。其實我地想食炒飯多D，不過佢地話炒飯板只用來砌公仔，唔食得。
炒雜菜是ok la, 無乜特別。
甜品只是雪糕，比較失望，以為有D靚嘅甜品添。有紅豆，芝麻同豆腐每人選一款。吃完師傅問夠唔夠，可以再加，咁我就唔客氣要多一球啦負責招呼的姐姐好nice, 師傅也很好人，總的來說，這是一餐開心滿意的紀念日dinner。
張貼
