日暮家 麵匠 (已結業)

雖然我唔係生粉，但由於我鍾意食拉麵，咁Mr L就建議去食尖沙咀新開嘅拉麵店🍜 佢講完個名我就喺網上睇到，原來係AK哥哥開嘅拉麵店🤣 網上睇到話好多人排隊，當時我心諗希望去到唔使排好耐啦，因為嗰一刻我已經好肚餓啦，但點知去到就已經可以即刻入座，可能嗰陣時差唔多已經係星期六嘅兩點，過咗個繁忙時間🤔 但總之好好彩啦，唔洗等位🥳我哋叫左日暮拉麵同日和拉麵🍜，另外再加兩個小食配成套餐，變咗有一碗拉麵一個小食同飲品，小食就叫左羽根餃子同明太子無骨雞翼，可以share嚟食😜 其實日暮同日和拉麵，所有配料都係一樣，只係湯底唔一樣，日暮係豚骨湯底，而日和係雞白湯湯底。拉麵份量十足，平時Mr L去一蘭食要另外加麵底，但係呢個唔使。味道其實唔錯，但係食到最後個人略嫌有少少膩，滯滯地，因為佢個湯質地有小小creamy比較濃，我哋另外加多個糖心蛋，夢王蛋，糖心蛋上面印左個貓貓腳印，好cute🥰佢個餃子正常發揮，不過不失。明太子無骨雞翼好食😋 幾惹味！整體來講都唔錯，但座位略嫌有少許窄，肥少少都坐唔到入邊🤣 價錢同食物質素都中規中矩啦味道：👍👍👍👍服務：👍👍👍👍環境：👍👍👍👍encore? ✅ 下次會使吓佢個炒飯