影片
更多
2022-10-25
232 瀏覽
🌟餐廳：別忘了📍地址：荃灣眾安街68號千色匯1期2樓2032號舖💰價位：$101-200⏰營業時間：星期一至日12:00 - 23:00📱電話：23892582最近天氣突然轉涼，岩哂一向鍾意打邊爐同食牛肉既我。今日黎開荃灣，順便去呢間台式風味火鍋烚下烚下先。———————————————————🔹放題套餐餐廳提供4款不同牛肉級數既放題套餐，有精選牛板腱，美國Prime A 牛肩胛，美國SRF封門柳/澳洲極上和牛 及 A5宮崎牛。識食一定揀A5宮崎牛套餐，可以一次過歎哂咁多款牛肉，另外仲無限量供應大量台式小吃、台式飲品及甜品，仲可以係自助區揀選各種蔬菜/丸類及多款醬料。———————————————————🔹湯底多達12款台式湯底供選擇，有辣有唔辣，任君選擇，仲有得雙拼添～岩哂唔同口味既朋友。今次我地就揀左 "台式香濃椰子雞湯" 及 "『別忘了』香濃豬骨湯"。———————————————————🔹肉類A5 宮崎牛 - 霜降均勻分布，一入口充滿肉汁及啖啖油香，入口即溶，口感清爽又不油膩。澳洲極上和牛 - 牛味香濃，脂肪分佈平均，肉味與油香好平衡。美國SRF封門柳 - 取自橫膈膜既肌肉，肉
📍地址：荃灣眾安街68號千色匯1期2樓2032號舖
💰價位：$101-200
⏰營業時間：星期一至日12:00 - 23:00
📱電話：23892582
最近天氣突然轉涼，岩哂一向鍾意打邊爐同食牛肉既我。今日黎開荃灣，順便去呢間台式風味火鍋烚下烚下先。
———————————————————
🔹放題套餐
餐廳提供4款不同牛肉級數既放題套餐，有精選牛板腱，美國Prime A 牛肩胛，美國SRF封門柳/澳洲極上和牛 及 A5宮崎牛。識食一定揀A5宮崎牛套餐，可以一次過歎哂咁多款牛肉，另外仲無限量供應大量台式小吃、台式飲品及甜品，仲可以係自助區揀選各種蔬菜/丸類及多款醬料。
———————————————————
🔹湯底
多達12款台式湯底供選擇，有辣有唔辣，任君選擇，仲有得雙拼添～岩哂唔同口味既朋友。今次我地就揀左 "台式香濃椰子雞湯" 及 "『別忘了』香濃豬骨湯"。
———————————————————
🔹肉類
A5 宮崎牛 - 霜降均勻分布，一入口充滿肉汁及啖啖油香，入口即溶，口感清爽又不油膩。
澳洲極上和牛 - 牛味香濃，脂肪分佈平均，肉味與油香好平衡。
美國SRF封門柳 - 取自橫膈膜既肌肉，肉質鬆軟又唔韌，牛肉味極為濃郁。
美國Prime A 牛肩胛 - 脂肪含量適中，口感軟嫩好JUICY。
———————————————————
🔹台式小吃 及 各種火鍋配料
好似置身台灣夜市一樣，有齊鹽酥雞、台式香腸、台南府城蝦卷等等，應有盡有，連滷肉飯亦有提供！而火鍋配料方面，亦提供多款台式丸類，值得一提佢地既香芋貢丸好香濃，一咬開充滿棉滑既芋泥，肉質亦好彈牙。
———————————————————
🔹台式飲品
員工即場調制台式飲品，提供各種熱飲/凍飲，無糖茶及水果茶，我地就揀左四季春同紅茶，解膩一流。如果想啤啤佢的話，仲可以另外選購台灣啤酒添～
———————————————————
🔹甜品
打完邊爐暖笠笠，係時候食甜品平衡下！
餐廳提供每人一杯Movepick雪糕，亦有無限量供應既自家制窩夫，配合各種口味雪糕～仲有我最愛既雪花冰同檸檬愛玉凍，雪花冰好幼滑，啖啖奶香；而檸檬愛玉凍入口清甜，兩款甜品好味之餘，亦可清新味蕾。
值得一讚既係，佢地仲提供奶凍及焦糖布甸，細細杯一啖一杯，岩哂甜品控既我可以食盡每一款甜品。
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳滿佈各種櫻花樹，日式屋台裝修及擺設，置身花海一樣，環境打卡一流。而且仲好特別咁提供靚靚許願書簽，大家可以寫低自己既願望，掛上櫻花樹上，打邊爐之餘又可以浪漫一下，迎合哂餐廳既主題『別忘了，幸福的味道』💗
———————————————————
張貼
