黑木亭居酒屋 (金馬倫道)

呢日放工之後就同男朋友去左尖沙咀呢間居酒屋到食日本野。餐廳裝修得好靚，好似去左日本既感覺。我地點左好多野食啊！首先係日本產A4和牛魔方，呢道菜真係好精緻啊，啲A4和牛粒放入呢個透明玻璃盒入面，上菜既時候再放喺乾冰上面，散發住陣陣既仙氣，打卡一流啊！ 唔單止樣靚，味道都好好，和牛燒到好香！另外仲有加洲卷，估唔到普通既加洲卷都可以整到咁特別，呢個加洲卷整成一個拱形，好有心思啊，食落去層次豐富，正！呢度既刺身都唔錯，夠哂新鮮！仲有好惹味既串燒啊！