宮崎肉本舖 (已結業)

今晚去左食和牛燒肉放題，CP值非常高，我地揀左宮崎A5櫻花牛極上放題，$998/位，120分鐘，可以任食10款宮崎A5櫻花牛，同埋60款日本食材，仲有飲品，甜品任飲任食，餐廳就係維園隔離，正值維園舉行花展，餐廳可以望到花展既夜景。首先每一款牛都試左一輪，店員推介由淡味開始食，分別有內後腿肉、前腿肉、外後腿肉、肩里肌、肩口肉、五花腩、和尚頭、牛肋肉、壽喜燒、西冷，牛肉味香濃，雪花分佈均稱，肉質軟熟，入口即溶，而且肉味會係口入面逗留一段時間，店員先建議食其他，而最後壽喜燒和西冷，店員會幫忙燒，壽喜燒配蛋汁食，令到肉質更嫩滑，而西冷油脂極高，鍾意油份重既一定要試。燒汁雞心雞心燒完爽脆。黑七味雞肝雞肝比較難燒，肉質比較軟身。日式黑豚芝士腸黑豚味濃，食落有口感。蟹味噌甲羅燒呢個甲羅燒超好食，蟹膏味濃，配埋燒到脆卜卜既米餅一齊食好夾。櫻花蝦蛋黃醬帆立貝帆立貝本身已經熟，但店員都建議燒一燒再食，燒到蛋黃醬完全溶哂係帆立貝上面。准山松葉蟹肉沙律海膽蟹肉脆脆米魚湯泡飯雜錦天婦羅自家製九洲辛口餃子自家製3.6特濃牛乳奶凍牛乳味超濃，奶凍嫩滑，入口即溶。