由於怕無位，11:45am打去訂位12:30pm，好彩都仲有位，接聽電話的服務員很有禮貌，還會先報上姓名，在香港很難得。
位於尖東一棟年代有些久遠的大廈地舖，見到舖面好似時光倒流30年咁。入到去，座位坐得很舒適，很闊落，整體環境乾淨，各方面令人安心。午市套餐有四個選擇：檬粉、牛肉粉、羊肉飯同咖哩牛腩飯，我地每個餐叫一份，大家share。由於太肚餓，嘢食一上便被夾晒，結論係每個主菜都好食，感受到廚師叔叔用心煮。
本身個餐有椰汁糕，我們每人加咗HKD12轉做香芋蓮子同埋木塊（海帶綠豆蓉加椰果）。
最後參觀埋洗手間，雖然男女廁各只得一格，但都好寬敞企理。
成個午餐非常滿意，性價比非常高，下次會再試吓晚市，大家都要多多支持，多啲留港消費！
