昼月

營業中

休息中

見到昼月喺星期一至六做緊$88清酒放題，就梗係即刻約friend子去Happy Hour 喇。$88有24款清酒飲3小時間，有酒就一定要搵啲嘢食。手打雞肉棒係自家製，入面有啲好脆嘅雞軟骨。芝士左口魚壽司非常惹味，炙燒過嘅左口魚出曬油加埋芝士碎，唔洗點醬油都夠晒味。其他壽司都唔差，壽司飯用咗赤醋，所以比較深色，魚生都係新鮮貨。仲有佢哋嘅A5霜降和牛壽喜燒都唔可以錯過。牛肉片超級淋滑牛味香濃，咁清酒一到食啲滾住嘅嘢特別舒服。唔夠飽，仲可以加個烏冬落去share咁就非常滿足啦。