板長壽司 (已結業)

睇完戲之後，搭van由elements至尖沙咀，諗住10點鐘，板長應該冇人啦~ 點知仍要排隊... 不過好彩都只係排一陣...點解elements有千兩唔食，要特登去板長，原因有2個，第1，elements果間千兩唔好食，千兩本身壽司選擇好少，第2，今次我o地係三人行，所以去續件計o既板長係比較抵...板長而家推出o左 d 8蚊壽司，所以我o地都有叫o左幾件，帆立貝，只係8蚊，又平又抵食，每人叫o左2件~ 秋刀魚，都ok 啦~e年稻燒鰻魚比火炙鰻魚差... 不過8蚊就算啦~冬陰功卷... wah! 好難食，佢上面d金不換真係嚇死人，一d都唔夾~除o左8蚊壽司，我o地仲叫o左d 壽司~ 三文魚子，唔係一粒粒o既，係一 pat pat o既~ 真係...魚背仍然係本宮最愛，佢o既肉質有少少似豬肉，好得意。金三文魚係因為冇三文魚先叫，雖然成日有人話其實日本人係唔食三文魚刺身，因為有菌，但係三文魚刺身的而且確係最易入口同食刺身入門... 最起碼唔食魚o野o既peggy都會叫下o黎食~ 北寄貝仍然好味~ 但蟹棒就好似有色差... 冇晒味咁~http://hk.myblog.yahoo.com/u