火水爐冰室火鍋

營業中

休息中

上星期經過依間70年代懷舊風格嘅火鍋店我就被吸引左。我仲見到book枱有優惠會送埋鮑魚雞煲,所以我就提早左幾日訂位。內裏嘅裝修充滿懷舊感,有懷舊戲院,夜總會招牌,康樂棋壁畫,懷舊收銀機,就連枱枱凳凳都好復古,超有70年代feel。等待雞煲同埋其他食材嘅同時,店員會好貼心咁送上餐前小食。有炸燒賣同炸陳皮魚蛋。鮑魚會就人數而定一人一隻,雞件外層有被裹上層薄薄嘅經過炸過炸粉,令到雞件掛汁效果更好,更加吸收雞煲醬汁。食完夠鮑魚雞煲之後,火鍋嘅湯底我就選在特濃沙嗲湯底,沙嗲味真係非常之濃郁,仲有香濃嘅花生味,湯底內本身已經有豆卜,完完全全吸收晒湯底。任食嘅配料雖然唔算特別多,但係勝在都夠新鮮。食飽飽之後仲有紅豆雜果涼粉冰做甜品,非常之滿足。