影片
更多
2010-04-25
10 瀏覽
咁快就7年喇, 我同男朋友決定响洲際慶祝呢個大日子, 因為我哋想試呢間都好耐喇, 好彩3個禮拜前都訂到位, 仲要係窗口位, 感覺好正 !<服務>真係要講講呢度既服務, 首先酒店打嚟re-confirm 個order 之後, 佢哋會 send 個 sms 嚟多謝, 我食咁多 buffet 都未試過有呢個服務 第二個要讚既係- 我哋行樓梯上返大堂走喇, 其間有個職員經過, 佢會停低讓我哋行先, 仲講一句 thank you 添, 6星真係6星, 真係以客為先 唯一要投訴係我訂位果時已經講咗我哋7週年紀念, 但食到甜品環節都無職員有表示喎, 咁我就求其搵個侍應同佢講喇, 佢睇完機話無remark過喎, 我即時滴晒汗... 不過佢話可以即刻幫我安排, 咁就ok 喇. 不過件蛋糕一嚟到, 我同男友都 o 晒咀, 堂堂一間6星酒店, 竟然用中文寫, anyway 我哋有道具嚟影相都 ok 喇, 得啖笑囉 !<食物>先講講俾大家知, 呢間酒店係無生蠔食架, 呢期主打係即煎鵝肝任食 海鮮方面 ~ 有龍蝦, 枇杷蝦, 凍蝦, 蟹, 蟹腳, 拆殼蟹鉗, 青口, 帶子刺身,
<服務>
真係要講講呢度既服務, 首先酒店打嚟re-confirm 個order 之後, 佢哋會 send 個 sms 嚟多謝, 我食咁多 buffet 都未試過有呢個服務
第二個要讚既係- 我哋行樓梯上返大堂走喇, 其間有個職員經過, 佢會停低讓我哋行先, 仲講一句 thank you 添, 6星真係6星, 真係以客為先
唯一要投訴係我訂位果時已經講咗我哋7週年紀念, 但食到甜品環節都無職員有表示喎, 咁我就求其搵個侍應同佢講喇, 佢睇完機話無remark過喎, 我即時滴晒汗... 不過佢話可以即刻幫我安排, 咁就ok 喇. 不過件蛋糕一嚟到, 我同男友都 o 晒咀, 堂堂一間6星酒店, 竟然用中文寫, anyway 我哋有道具嚟影相都 ok 喇, 得啖笑囉 !
<食物>
先講講俾大家知, 呢間酒店係無生蠔食架, 呢期主打係即煎鵝肝任食
海鮮方面 ~ 有龍蝦, 枇杷蝦, 凍蝦, 蟹, 蟹腳, 拆殼蟹鉗, 青口, 帶子刺身, 三文魚刺身, 吞拿魚刺身, 甜蝦刺身, 鱆紅魚刺身, 其中枇杷蟹, 蟹腳同甜蝦較鮮甜, 都食咗幾 round
熱盤方面 ~ 都有成十多款, 但基本上我一樣都無試, 蒸魚, 菜, 牛扒, 羊扒, 燒賣, 紅燒翅... 因為好平凡, 所以淨係食咗翅, 同埋寧願留多d位俾鵝肝
即叫即做 ~ 有鵝肝, 北京填鴨, 燒牛肉, 燒羊肉... 樣樣都好好味, 鵝肝我嚟咗3 round 即6件 , 因為鵝肝係我至愛, 北京填鴨就嚟咗3件, 每件都細細件好吸引仲好好味, 而燒牛肉就真係無得頂, 呢間算係最好味最牛同最淋
而甜品方面 ~ 我就覺得無樣凸出, 所以只係試咗d小杯, 而大部份都太甜喇, 好麻麻
2人共消費 : $1100 (恒生白金咭有 85折)
張貼
