影片
更多
2016-05-28
258 瀏覽
之前看過青島係香港辦的青島日報 (我知...好爛...哈哈...), 介紹靚女騎師江碧蕙, 就是到這間火鍋店做訪問, 由冬天講到春天, 夏天都已經到了, 今天探舊同事, 順道探勘一吓 (其實個因果關係是倒轉...), 友人不好火鍋, 唯有轉戰小菜, 沒有預期之下, 反而有些驚喜...老友鬼鬼 $68. 有些餐廳叫"鬼馬油炸鬼", 如無記錯, 最早食到此菜, 是在尖沙咀金巴利道, 一間名為大排檔的非大排檔食肆 (好鬼玄?? 係! 的確係玄之又玄...., 上月重好似執埋笠添, 但今天行過, 又好次開翻... 哈哈哈... 唔知講嘜? ... 閣下係正常人, 睇唔明係好正常... 哈哈), 之後愈來愈多餐廳效法, 正所謂青出於藍而勝於藍, 今天這件油炸鬼釀蝦膠, 做得不錯, 油炸鬼的大小切得中等細件, 入口脆度十足但不硬, 蝦膠彈口, 蝦味特出, 炸完後才放一些蟹子上面襯托, 賣相與味道俱全.一件不知名的菜色, 友人發辦, 材料是芒果和大蝦, 樣子真是一等一, 背後是西式沙律用的翠綠苦苣(frisee), 襯托出前面主角: 鮮黃色芒果醬炒過的大蝦, 再灑了一些杏仁碎, 好吸引的賣相, 至於
之前看過青島係香港辦的青島日報 (我知...好爛...哈哈...), 介紹靚女騎師江碧蕙, 就是到這間火鍋店做訪問, 由冬天講到春天, 夏天都已經到了, 今天探舊同事, 順道探勘一吓 (其實個因果關係是倒轉...), 友人不好火鍋, 唯有轉戰小菜, 沒有預期之下, 反而有些驚喜...
老友鬼鬼 $68. 有些餐廳叫"鬼馬油炸鬼", 如無記錯, 最早食到此菜, 是在尖沙咀金巴利道, 一間名為大排檔的非大排檔食肆 (好鬼玄?? 係! 的確係玄之又玄...., 上月重好似執埋笠添, 但今天行過, 又好次開翻... 哈哈哈... 唔知講嘜? ... 閣下係正常人, 睇唔明係好正常... 哈哈), 之後愈來愈多餐廳效法, 正所謂青出於藍而勝於藍, 今天這件油炸鬼釀蝦膠, 做得不錯, 油炸鬼的大小切得中等細件, 入口脆度十足但不硬, 蝦膠彈口, 蝦味特出, 炸完後才放一些蟹子上面襯托, 賣相與味道俱全.
一件不知名的菜色, 友人發辦, 材料是芒果和大蝦, 樣子真是一等一, 背後是西式沙律用的翠綠苦苣(frisee), 襯托出前面主角: 鮮黃色芒果醬炒過的大蝦, 再灑了一些杏仁碎, 好吸引的賣相, 至於味道呢? 芒果醬汁的七甜三酸, 配在彈牙大蝦上, 可謂無敵.
糟酒浸鴨舌 $58. 餐牌上寫"糟酒"浸鴨舌, 應該是酒糟吧?? 上檯時已經聞到一陣酒香, 可惜我不好鴨舌, 其實我對有"舌"的食品, 都有童年陰影, 尤其是愈細的"舌", 就愈抗拒... 相信這是一種精神病, 無可救藥... 哈哈... 相反... 友人食得頗滋味,
牆上大張招紙介紹: 招牌碌鵝, 聽店員說, 強烈推介喎... 無理由唔試吧....
招牌碌鵝 $138. 以大型瓦煲上檯, 放下時, 熱力久久不散, 煲面不斷起泡, 滋滋聲響足五分鐘. "碌鵝"這道菜所用的調味, 其實與豉油雞差不多, 主要是做法不同, 重點是這個"碌"字, "碌"的做法, 就是煎和收汁, 一定要放鵝入油鑊過油, 否則點會咁金黃亮澤??? (健康?? 暫時放在一旁, 食完先講.... 哈哈), 之後才加鼓油、鹽、糖, 不冚蓋, 不斷把鵝翻身碌來碌去, 直至汁醬變濃郁呈半膠半水狀態.
不冚蓋煮"碌鵝", 就是要確保不會煮燶, 煮的過程, 香氣溢出, 未上檯都聞到, 雖然五月並非鵝肉好季節 (冬天才是最好, 因儲存脂肪過冬, 肉質肥美結實, 鵝油豐富), 但新鮮出爐的碌鵝, 皮微脆, 肉滑, 鵝肉軟, 一咬便開, 但又不失彈性.
酸菜三爽 (水魷, 墨魚咀, 鮮魷, 栢葉) $98. 明明寫"三爽", 點解會變成四樣...?? 莫非學了新聞統籌專員馮xx: "我只能答三個字：『不予置評』..." 哈哈哈....
好神奇, 我真係搵唔到"水魷"... 梗係比那位"水魷"幫主食鬼晒!!! 好彩, 我愛"鮮魷"多過"水魷", 白色的鮮魷, 入口爽中帶脆, 脆中帶軟, 軟中帶鮮, 鮮中帶.... 嚤... 無喇... 未食過沒有炸過的墨魚咀, 好彈牙, 因為不是炸, 所以沒有了外層的脆粉, 食落更覺鮮味. 牛栢葉, 我.... 動作太慢, 未夠迅速, 只夾到一小片葉部, 味道... 小酸...
香辣雞煲 $138. 香港人愛食雞的程度, 真是天下第一, 經過多次不斷的禽流感肆虐, 仍然對雞不離不棄, 白切雞食悶了, 食豉油雞, 豉油雞食悶了, 食啫啫雞, 又或栗子燜雞, 唔喜歡栗子?? 椰子燉雞都唔錯, 食得辣, 當然係麻辣雞煲! 食法可以有十幾二十種, 你諗到的, 都有餐廳賣. 當然... 食得辣既, 又未必喜歡麻味, 所以先會有"香辣雞煲"!.... (哈! 咁都吹水吹咗百幾字....)
流行了六、七年的雞煲, 花樣愈來愈多, 重慶式乾身雞煲是先頭部隊, 再變成四川麻辣大軍, 中途又殺出個花雕雞煲, 當然還有食完雞煲後的火鍋, 近年還加埋韓式棺材雞煲... 正所謂咁多年東風, 咁多年西風, 來個反璞歸真, 簡單的香辣雞煲好了.... 上檯前已經聞到濃郁的香味, 薑葱、蒜蓉、八角、辣椒, 洋蔥... 食第一口, 咿... 都有些少麻味喎... 雞肉... 如此價錢, 你講比我知, 係新鮮雞 我都唔想啦, 況且... 以這濃烈口味, 我都分唔出冰鮮和新鮮的分別, 無論如何, 雞肉的肉質確實鮮嫩, 雖然味濃, 但辣度不算強烈, 適合一家大小胃口.
豬潤浸時蔬 $76.
啫啫通菜煲 $78. 通菜俗稱抽筋菜, 老人家教落的傳聞, 食完通菜, 唔好游水, 皆因好易抽筋, 老人家有生活智慧, 但知其然, 而不知其所以然, 到底食通菜點解會抽筋?? 原來通菜的葉含草酸較多, 進入人體, 合成草酸鈣, 促使鈣失去作用, 血液鈣不足, 神經便會形成鈣不足的抽筋. 啫啫通菜, 其實即是炒通菜梗, 少葉, 不單草酸減少, 吸收鹹味也相應下降. 用大瓦煲上檯, 啫啫聲, 更散出一陣濃味效果.
冰鎮咕嚕肉 $168. 咕嚕肉, 絕對舉世知名的"老外"的至愛, 老外食中國菜, 不可能少了"Sweet and Sour Pork"一味, 唔好用菜名的原教旨主義心態, 其實即係"生炒排骨", 細個時候, 看餐牌見到兩味: 生炒牛肉飯和生炒排骨飯, 就是不明白為什麼兩味都是"生炒"名堂, 但出來的樣子和味道, 簡直是天壤之別... 當然, 這天所叫的"咕嚕肉", 上檯時的賣相, 也是嚇了我們一跳, 以為餐牌上的"冰鎮"兩字, 只是巧立名目, 原來真是交足功課...
未到夏季, 天氣已經悶熱得很, 食慾下降, 酸甜咕嚕肉, 正是開胃之選, 冰鎮, 當然是用真冰, 以為冰水會整濕外層脆皮而變軟? 試一口, 其實冰鎮反而冷藏了它的脆，
色澤金黃, 肉外的糖醋表層, 做得夠薄, 酥脆, 中酸, 微甜, 甘香, 酸甜汁配七瘦三肥的豬肉, 膩度大減.
張貼
