影片
更多
2019-07-21
2445 瀏覽
成日行過高街都見到呢間好有英式風格🇬🇧嘅舖仔，見到有麵包賣🥖又有易拉架promote有afternoon tea☕️，但時間唔係好啱就無試過。之後再喺App見到book枱有discount喎(6點有50%off🤑)，所以一於試吓。原來間舖真係好細，左邊係廚房同收銀位置，右邊就係餐枱，大約見到只係坐到16個人，所以有啲逼。但裝修幾靚，有英式風味(睇下個鐘🕰)，用咗好多木嘅原素。一入去女店員已經好有禮貌，又好熟訂枱啲資料同用餐優惠👍🏻。其實餐廳係有dinner set嘅，$328 for 2都幾抵，但我用app訂枱，所以主要睇a la carte menu。咸食唔算有超多嘅選擇，但前菜、沙律、意粉、甜品等等都有齊，全部都可以應用優惠，但麵包餐同晚餐Set就未有嘅。我哋叫咗蜜糖蘋果蓉🍎焗法國珍寶雞翼🍗($80)，上碟都幾靚，好搞笑menu寫住6隻，但嚟到有7隻😂😂😂，哈哈。啲雞翼好入味，甜甜地😚，大大隻，雖然係蜜糖味，但比平日嘅特別。柚子法包🥖(半條)($14)，呢個應該係師傅即整嘅，因為店員落單時問我哋介唔介意等陣，師傅返緊嚟，嚟到發現真係熱辣辣嘅，有6片，雖然無撲鼻嘅麵包香，但一咬發現係外
原來間舖真係好細，左邊係廚房同收銀位置，右邊就係餐枱，大約見到只係坐到16個人，所以有啲逼。但裝修幾靚，有英式風味(睇下個鐘🕰)，用咗好多木嘅原素。
一入去女店員已經好有禮貌，又好熟訂枱啲資料同用餐優惠👍🏻。其實餐廳係有dinner set嘅，$328 for 2都幾抵，但我用app訂枱，所以主要睇a la carte menu。咸食唔算有超多嘅選擇，但前菜、沙律、意粉、甜品等等都有齊，全部都可以應用優惠，但麵包餐同晚餐Set就未有嘅。
蜜糖蘋果蓉焗法國珍寶雞翼
$80
84 瀏覽
0 讚好
0 留言
我哋叫咗蜜糖蘋果蓉🍎焗法國珍寶雞翼🍗($80)，上碟都幾靚，好搞笑menu寫住6隻，但嚟到有7隻😂😂😂，哈哈。啲雞翼好入味，甜甜地😚，大大隻，雖然係蜜糖味，但比平日嘅特別。
柚子法包(半條)
$14
47 瀏覽
0 讚好
0 留言
柚子法包🥖(半條)($14)，呢個應該係師傅即整嘅，因為店員落單時問我哋介唔介意等陣，師傅返緊嚟，嚟到發現真係熱辣辣嘅，有6片，雖然無撲鼻嘅麵包香，但一咬發現係外脆內軟😍😋，真係好好食，完全唔係平日嗰啲硬到可以扑人嘅質感🤣。伴碟嘅估計係橄欖油，我仲以為係柚子醬🍋，咁究竟點解叫柚子呢？🤔
Guinness燉牛肉配德國麵團
$98
88 瀏覽
1 讚好
0 留言
Guinness燉牛肉🐄配德國麵團($98)，呢個同我想像中唔同，因為我誤會咗係gnocchi以為大大粒，點知睇返menu再google埋Spätzle先知唔同，原來係勁細粒，短條狀，哈哈好得意😛，粉團幾chewy，但大粒啲會較有飽肚感，佢好似一碟餸(加埋用碗上)，可以配飯咁，用匙羹🥄食會啱啲。另外有好多牛肉夠淋，最鐘意仲有啲紅蘿蔔🥕，成件事變咗紅酒繪牛尾咁，唔錯唔錯，唯一係比較細碟同唔似一碟Pasta🤣。
200G青醬日本水飼豬肉眼扒配意大利粉
$138
76 瀏覽
0 讚好
0 留言
200G青醬日本水飼豬肉🐷眼扒配意大利粉($138)，哇大大塊豬扒，成吋厚，煎得幾香幾好味，夠Juicy。意粉量🍝唔多，但口感好正，夠彈牙配有車厘茄，而且feel到佢應該用咗好多橄欖油炒，配埋青醬好搭配啊👍🏻。
青蘋果批
$68
56 瀏覽
0 讚好
0 留言
甜品我喺一開始落單就叫定，佢都提我哋如果要杏仁香梨批(4吋)($68)就早啲叫定，因為即整即焗要30分鐘，但落單後話無梨🍐換青蘋果🍏得唔得，哈哈無所謂啦😂。嚟到發現應該得3吋😅，比較細個。anyway熱辣辣好香啊，個皮好脆好好食，有啲似椰撻，個涵係甜甜哋嘅蓉加埋上面嘅青蘋果片，一啖食哂咁多種層次就最正。呢個非常推介👍🏻，另外佢仲有其他size，如6吋12吋，要預訂。
朱古力心太軟
$78
35 瀏覽
0 讚好
0 留言
另外仲叫咗個朱古力心太軟配馬卡龍($78)，嚟到又發現係馬卡龍變咗曲奇🍪😂😂😂。個心太軟無咩fancy嘅伴碟，但真材實料，朱古力味🍫濃郁唔會死甜，出面蛋糕就夠淋，內裡流心，同行友人非常鐘意👍🏻👍🏻。曲奇一塊朱古力味及一塊綠茶味，唔太甜唔錯，又係自家製。
曲奇
47 瀏覽
0 讚好
0 留言
總括嚟講，我非常欣賞呢間小店，無論裝修、食物同服務，你都feel到佢哋好用心經營。我哋無叫飲品，但店員非常細心不斷幫我哋斟水👍🏻👍🏻。到晚餐尾段餐廳無咁忙，言談間發現原來一開始幫我哋落單嘅嗰位女店員係主廚👩🏻🍳嚟㗎，所有咸食由佢包辦😱，所以佢好忙無時停，廚房舖面兩邊走，而甜品同麵包就由另一位男師傅負責。其實我想講無論咸食定甜食都好好味，所有嘢都係homemade，味道唔係周圍食到。女主廚叫Kobe，真心好靚女😍好親切又好醒目😎，主動同客人傾計，識做生意，但佢講起雖然新舖開咗無耐，但遲啲應該要搬舖，佢希望可以搬返喺高街。創業加油💪🏼，希望你成功。餐廳唯一可以挑剔嘅係啲食物同餐牌offer嘅食材有啲出入。🙈🙈🙈
法包
$28
50 瀏覽
0 讚好
0 留言
食物款式唔多，之前見到有炸牛扒諗住試，但今次去已經轉咗menu😭。如果下次食，我會想試埋焗花椰菜扒，見隔離枱叫，幾吸引！最後由於法包太好食，所以原價$28買咗一條外賣比屋企人試吓，佢哋都讚好👍🏻。btw我以折扣價錢作食評評分，如果無折扣就略嫌性價比無咁高了。
張貼
