彩羽壽司家 (已改名) 查看

彩羽壽司家位於灣仔謝斐道入面，晚市有供應幾款廚師發辦，今晚食咗個性價比極高嘅餐，個餐只要$498就食到!!🇯🇵All Day Omakase ✨蒼 Aoi $498/1▫️沙律▫️茶碗蒸用料豐富，有螢光魷魚、金菇、本菇等，蒸蛋香滑🍳玉子燒蛋味濃厚香甜🐟刺身▫️真鯛 肉質細緻有彈性▫️大分縣生蠔質感爽口，配搭黑松露酸汁又幾夾幾好食▫️富士山三文魚煙燻氣泡打卡一流，記得準備相機影低煙霧彌漫嘅一刻🍣壽司▫️墨魚 質感黏口 伴以彩色芝麻點綴▫️鰤魚 油脂鮮美▫️帶子 加入醬汁同柚子皮▫️太刀魚 炙燒過迫出魚油香氣▫️鯖魚 伴以昆布同紫蘇▫️蝶魚 紫菜包住蔥花同櫻花蝦食 炙燒香氣十足▫️海膽 大啖海膽軍艦放入口 滿足非常▫️拖羅 油脂甘香無根 入口即化🌈升級「彩羽太卷」師傅將食材排列好仲會比食客打卡影相，有醬油漬蛋黃、海膽、拖羅、赤身、青瓜，色彩繽紛賣相極靚，建議一啖食晒，層次豐富非常滿足😌🍧日本雪花刨冰即席以刨冰機製成，有多款口味選擇，揀咗黑糖水信玄餅配蕨餅～超級大份，睇住師傅以冰硬刨出綿綿冰，感覺治癒！