響日本燒肉 (已結業)

之前係社交平台見到響Hibiki銅鑼灣晚市放題推出左限時77折優惠，平日晚市折完只需$454，放題包括任食和牛 、魚生 、酒任飲，仲有Movenpick 雪糕 任食，非常吸引，所以預訂左今晚同老婆去刷返餐。😁我地7點左右到餐廳，雖然係平日，不過都差不多滿座，餐廳樓底高，座位以卡位為主，抽風系統強，唔會好太油煙，整體感覺寬敞舒適。😗店主開爐之後先送上一盤刺身及燒肉拼盤，另外仲有一份金箔魚子拖羅蓉，拖羅蓉入口鮮甜，配上黑魚子，沾上少少刺身豉油一啖一匙，非常滿足。😍頭盤的燒肉拼盤有3款澳洲和牛，1款美國牛肋骨，另外仲有豚肉、雞翼同雞肉腸。擺碟精美，味道亦唔錯，最好食一定係餐廳主打的頂級澳洲M7和牛，牛味非常濃郁，而且油脂分佈均勻，肉質軟嫩，加上海鹽同黑椒，不需沾燒烤醬汁都非常惹味，之後我地主要都係添食澳洲和牛為主。😆除左燒肉之外，刺身、天婦羅、椒鹽燒都係任食，不過椒鹽燒原來係需要自己燒，所以我地只係點左一轉挑戰一下，當中雞皮真係好好食。刺身種類都唔少，頭盤份量已經好多。😯飲品方面響Hibiki提供的種類非常多：啤酒、紅白酒、清酒、柚子酒、梅酒都可以任飲。另外雪糕除左有幾款Movenpick雪