影片
更多
2025-06-16
283 瀏覽
居然有$398嘅omakase，而且喺銅鑼灣，而且而且有每一蚊都使得其所嘅感覺，簡單唻講$398有18品，款式多，現場睇住師傅逐件即製，每一道都唔hea，有omakase強調嘅心機同創意，但價錢就非常貼地。開場嘅沖繩海苔櫻花蝦茶碗蒸好有夏日感覺，蝦香撲鼻，海苔提鮮。刺身方面，有基鯛同以蛋黃麵豉醬為佐料嘅油甘魚，基鯛爽口，油甘魚溫潤，味道層次豐富。炸帶子伴他他醬就外脆內嫩，熱辣辣嘅炸皮之下嘅帶子非常新鮮，配埋酸酸地嘅醬汁好開胃。一連幾款嘅壽司新鮮得黎口感各有層次。連子鯛、彷彿魚、帆立貝，其中彷彿魚尤其滑。金鯛立鱗燒用嘅係等級最高嘅白金鯛，配上枝豆白醬同橘子汁，味道層次豐富，酸香醒胃。深海池魚壽司淋上經煙薰嘅赤蝦油，調味非常有心思。值得一提嘅係醋飯調製得好好，微酸，能夠帶出魚肉嘅清甜，粒粒分明，但又唔會散開。炸沙錐魚天婦羅配蘿蔔蓉好清新，味道非常非常清，但又非常好食。磯煮鮑魚配肝醬令本身新鮮彈牙但清淡嘅鮑魚肉都滲入濃郁海鮮味道，非常有居酒屋佐酒小食嘅味道。招牌菜應該係呢道飄雪鵝肝吞拿魚壽司，即場磨嘅紅酒慢煮鵝肝磨粉鋪滿吞拿魚壽司，入口即融，好似雪花咁溶化喺口腔，好療癒。最吸睛一定係海膽甜筒
開場嘅沖繩海苔櫻花蝦茶碗蒸好有夏日感覺，蝦香撲鼻，海苔提鮮。
刺身方面，有基鯛同以蛋黃麵豉醬為佐料嘅油甘魚，基鯛爽口，油甘魚溫潤，味道層次豐富。
炸帶子伴他他醬就外脆內嫩，熱辣辣嘅炸皮之下嘅帶子非常新鮮，配埋酸酸地嘅醬汁好開胃。
一連幾款嘅壽司新鮮得黎口感各有層次。連子鯛、彷彿魚、帆立貝，其中彷彿魚尤其滑。
金鯛立鱗燒用嘅係等級最高嘅白金鯛，配上枝豆白醬同橘子汁，味道層次豐富，酸香醒胃。深海池魚壽司淋上經煙薰嘅赤蝦油，調味非常有心思。值得一提嘅係醋飯調製得好好，微酸，能夠帶出魚肉嘅清甜，粒粒分明，但又唔會散開。
炸沙錐魚天婦羅配蘿蔔蓉好清新，味道非常非常清，但又非常好食。
磯煮鮑魚配肝醬令本身新鮮彈牙但清淡嘅鮑魚肉都滲入濃郁海鮮味道，非常有居酒屋佐酒小食嘅味道。
招牌菜應該係呢道飄雪鵝肝吞拿魚壽司，即場磨嘅紅酒慢煮鵝肝磨粉鋪滿吞拿魚壽司，入口即融，好似雪花咁溶化喺口腔，好療癒。
最吸睛一定係海膽甜筒，北海道馬糞海膽 + 吞拿魚蓉 + 粟米片，鹹鮮中帶甜，打卡同味道都一流。
尾段omakase以吞拿魚卷物、海帶魚湯收尾，魚湯好濃郁，再來個紅豆抹茶布丁作結，滿足晒！
整體環境乾淨企理，師傅有交流，細心解說每個菜式，氣氛輕鬆唔拘謹。$398 食足18品，每樣份量剛剛好，食完唔會太飽，但好滿足。
張貼
