影片
港鐵銅鑼灣站 E 出口
繼續閱讀
電話號碼
31082191
營業時間
今日營業
12:00 - 14:30
18:00 - 21:00
星期一至日
12:00 - 14:30
18:00 - 21:00
公眾假期
12:00 - 14:30
18:00 - 21:00
公眾假期前夕
12:00 - 14:30
18:00 - 21:00
以上資料只供參考, 請與餐廳確認詳情
有關獎賞計劃
相關文章
674 瀏覽
$398 共18品，CP值高！「鮨政 x 大湖」親民版的廚師發辦，質素如何？試過方有發言權！喜出望外，組合富心思，款式全面，製作認真，調味恰到好處，份量足夠食得飽。面積不大，全店只有一張壽司枱，可容12人，必須訂位。金菇茶碗蒸造型幾靚，見到已經好想食，面頭啲金菇似瑤柱，入口富鹹香更似，蒸蛋非常滑溜，內藏冬菇、肉粒、銀杏，足料製作，味道豐富。白身魚刺身．油甘魚刺身北海道水八爪魚色澤雪白，蘸少許竹炭鹽吃，一片比較爽，另一片有適量嚼勁。油甘魚已配上鼓油，回甘味甜，很討好，可加日本芥末添辛香。磯煮鮑魚伴肝醬配合自身鮑魚肝汁的做法無得輸，豐腴滋味，跟一口飯最完美，鮑魚伴肝醬菜式，永遠都是亮點。吉列帶子伴他他醬吉列帆立貝、他他醬、三文魚子及紫菜的組合，呢道真心好好食，夠熱夠脆，層次豐富。帆立貝酥脆味鮮，他他醬添潤澤，以紫菜包著增層次。角煮豚肉．蘋果蓉，青椒非常懂得配，鹹甜味道、果酸與肉平衡得很好。有肥膏的豬肉上、添加蘋果蓉有助平衡肉膩且添食味，仲有湯汁，又係甜甜的，滋味不膩，最後咬一口青椒，少許辣而已。壽司每一件皆已調味，用上酸度正合我意的赤醋米，刺身新鮮，有鯛魚、深海池魚、赤蝦、鯖魚、帆立貝、真鯛。炸沙追魚熱辣辣，如薯片般薄而香脆，炸醬超薄。招牌飄雪鵝肝吞拿魚壽司招牌菜，在吞拿魚赤身壽司上、刨下大量紅酒煮鵝肝，吃法很有新鮮感，鵝肝以紅酒浸醃過已減膩感，再刨成碎粒，輕盈得多，肥美感卻保持，溶化在吞拿魚壽司上，食味大大提升。角切魚生卷我認為是角切魚生飯的迷你精華版，有兩三款魚，口感鮮美。海膽甜筒想不到與雪糕甜筒配，更加甘香超甜，極之美味。海鮮湯真材實料久熬而成，奶白湯頭，味醇厚。季節甜品即係新鮮水果，超甜蜜瓜，完美的結束。
繼續閱讀
如果想食Omakase，呢間鮨政x大湖可以話係CP值極高嘅選擇！第一次見用$398就可以食到嘅Omakase，仲要足足有成18品添啊，真係好值得一試！餐廳位於銅鑼灣站附近，地點方便～✨茶碗蒸蛋香濃郁，口感嫩滑，味道比平時嘅更香濃～✨招牌飄雪鵝肝吞拿魚壽司將紅酒煮鵝肝化為飄雪，然後灑滿喺吞拿魚壽司上！賣相吸睛，味道出色～✨海膽甜筒係餐廳嘅招牌創意料理 ！用香脆嘅腐皮整成嘅海膽吞拿魚蓉小手卷 ，散發住鮮甜嘅海鮮風味～✨北海道油甘魚刺身配八爪魚油甘魚經輕輕火炙過，魚嘅油脂香更突出！八爪魚亦非常爽口～✨吉列帶子伴他他醬香脆嘅紫菜包住熱辣辣嘅吉列帶子，仲有他他醬同埋三文魚籽做點綴，口感多元化～✨豚角煮配青椒仔豚角煮肥瘦均勻，表面仲有蘋果醬提味～✨時令壽司6貫有鰈魚、真鯛、深海池魚、帆立貝、金目鯛同埋赤蝦，味道各具特色～✨清酒煮鮑魚爽口彈牙，帶有淡淡嘅清酒香～✨沙錐魚天婦羅沙錐魚外脆內嫩，一啲油膩感都冇～✨切魚生卷一啖放入口，大滿足～✨魚湯魚香四溢，湯料仲有豆腐同昆布～✨哈密瓜最後用香甜嘅哈密瓜作結，清新解膩～
繼續閱讀
位於銅鑼灣的鮨店「鮨政x大湖」適逢開業三周年，推出特別優惠回饋顧客，以超級大癲價錢 $ 398，晚市可以食盡Omakase 18品，香港應該冇乜邊間廚師發辦，可以做到如此性價比高，想食就要快啲，推廣如無意外只係做到六月尾👍🌟Omakase $ 398 （全18品）▪️茶碗蒸 ｜香滑嘅蒸蛋內有鮮嫩雞肉，再配上海苔和櫻花蝦，鮮味無窮▪️招牌飄雪鵝肝吞拿魚壽司｜店舖名物，肥美嘅吞拿魚上，師傅席前再加上慢煮後說凍咗嘅鵝肝碎，非常有創意，而且味道香濃好味道▪️吉列帶子伴他他醬｜外脆內軟夠晒香口，配合三文魚籽和他他醬，夠晒惹味▪️磯煮鮑魚伴肝醬｜鮑魚相當軟腍及入味，配上鮑魚乾醬味道濃香🌟時令壽司6貫壽司師傅都會因應當日時令食材供應給顧客，今日這六款款款新鮮，最喜愛甜蝦夠晒大隻，彈牙又黏口，其中有兩款比較特別嘅魚，「蓮子鯛魚和吉備奈子」之前食廚師發辦都冇食過，夠晒鮮味相當唔錯👍🍣蓮子鯛魚｜🍣帆立貝｜🍣日本鱸魚🍣甜蝦｜🍣深海池魚｜🍣吉備奈子▪️油甘魚、劍魚腩｜是日刺身油甘魚魚邊經隻炙燒過，但有甘香嘅魚油味道，另外劍魚腩肉質肥美▪️甘鯛立鱗燒枝豆醬｜特別喜歡用立鱗燒製作嘅魚，魚皮超級酥脆肉質細滑，配上醬汁突顯魚嘅鮮味▪️炸沙咀魚｜魚肉酥脆特別香口，沾上醬油更加好味道▪️鰻魚卷物｜鰻魚肉質肥美，整個卷物充滿鰻魚醬的甜香▪️海膽創意料理｜脆甜筒放上吞拿魚蓉和海膽，一啖入口，口感豐富鮮味無窮▪️海帶魚湯｜食完所有料理飲返一碗魚味濃郁嘅魚湯，暖胃又飽肚▪️紅豆抹茶布丁｜最後仲有甜品布丁，夠晒濃郁嘅抹茶味又香滑，放上最佳拍檔紅豆蓉，作為完美嘅終結
繼續閱讀
位置喺銅鑼灣fashion walk，靜中帶旺，裝潢簡潔得體，服務殷勤師傅好nice。座位15個，全部counter seats，可以望到處理過程同師傅互動。晚市omakase餐單兩分別$398 （18品）/ $598（20品），抵～ 午市15品$298亦好抵。雖然用料唔係最豪華最大堆頭，但體驗值唔錯都值得推薦。食完炸物已將我一人份所有魚料放出嚟，食壽司時魚料已經係室溫，而壽司飯係赤醋飯，鬆軟。蒸物🔱茶碗蒸（配沖繩海苔同櫻花蝦，蛋滑滑滑）料理🔱吉列帶子伴他他醬（配三文魚子，惹味有咬口）時令炸物🔱炸螢光魷魚 |日本九条蒽 （酥脆，配紫蘇葉同岩鹽）壽司🔱飄雪鵝肝吞拿魚壽司（餐廳招牌✨師傅喺面前刨鵝肝表演飄雪❄️加吞拿魚雙重享受，入口即溶👍🏻）壽司6貫🔱金目鯛（結實，彈牙，魚油豐富甘甜）🔱火炙左口魚（燒香後油脂多👍🏻👍🏻）🔱北海道帆立貝（有少少檸檬汁香）🔱俄羅斯甜蝦🔱長崎深海池鱼料理🔱磯煮鮑魚伴肝醬（鮑魚來自大連，厚切但好腍唔韌，入味，加咗開心果碎）海膽創意料理🔱海膽甜筒（北海道馬糞海膽，加咗吞拿魚蓉，甜筒用鱈魚乾干造成）時令刺身🔱油甘魚刺身（甘甜，配蛋黃麵豉醬鹹香）🔱真鯛刺身時令卷物🔱鰻魚卷物（濃味）🔱紋甲魷魚（肉厚甘甜，炒得爽脆）時令湯物🔱魚湯甜品🔱芒果沙冰（清爽醒神～底部都放咗乾果增加口感幾細心）
繼續閱讀
尖沙咀嘅鮨政x大湖，結合咗傳統日本壽司同創新料理嘅日式餐廳，環境舒服又有私隱感，每道菜都有佢嘅特色同驚喜😋✨Omakase全18品 $398✨ 櫻花蝦茶碗蒸茶碗蒸蛋細膩滑溜，櫻花蝦增加口感，溫度剛好 🍤🌸✨ 吉列帶子（伴他他醬）帶子炸得金黃香脆，外脆內嫩，配埋他他醬同三文魚子，食落有驚喜！好少廚師發辦會有依款~✨ 磯煮鮑魚（配鮑魚肝醬）鮑魚煮得非常入味，口感軟韌帶嚼勁，配埋鮑魚肝醬濃郁鮮甜，完全提升咗鮑魚層次，好高級嘅享受 🍽️😍✨ 金鯛立鱗燒（配海膽松露醬）金鯛嘅鱗燒得好焦脆，海膽同松露醬嘅組合都好特別，甜甜地，我無點太多醬，細細啖，保持食材原汁原味😎✨ 赤伊佐木魚（配青檸啫喱）魚肉新鮮爽口，青檸啫喱帶來清新酸爽，勁開胃 😊🍋✨ 火灸鰤魚（配蛋黃味噌醋）鰤魚表面微焦，蛋黃味噌醋帶嚟濃郁同微酸，幾有層次感，賣相都好靚😋🍳時令壽司6貫 🍣帶子同真鯛都十分鮮甜；熟虎蝦質感彈牙；深海池魚配柚子皮增添柑香，黑鯥魚火灸過少少油份且超軟腍。鰈魚裙邊配日式XO醬，味道特別，油份超高，滿意！👍✨ 紅酒慢煮鵝肝拖羅赤身鵝肝係凍身，刨成碎粉，同拖羅赤身一齊食個感覺係入口即溶，紅酒香氣與魚肉濃郁脂肪完美融合，係其他omakase餐廳未試過，超驚喜🍷😍✨ 海膽拖羅甜筒甜筒表面酥脆，內裡係香濃嘅海膽同拖羅，每啖都係鮮味爆發，海膽超級新鮮😁✨ 沙錐魚天婦羅天婦羅炸粉夠薄，唔會成口都係粉，魚肉鮮嫩多汁，不需要調味都足夠😋✨ 鐵火卷經典卷物，魚肉大大份，魚多飯少🍣配少少醬汁，好飽滿嘅感覺✨ 鯛魚湯湯底清甜，飲落暖胃又舒服🍲依個價錢都有鯛魚湯飲，之前食過更貴，都係麵豉湯✨ 芒果綿綿冰（紅豆）甜品好有賣相，芒果味甜中帶香🥭綿綿冰入口即化，配紅豆粒增加口感層次，係完美嘅結尾，好滿足🍧🍨鮨政x大湖食材新鮮，味道層次豐富擺盤精緻，日式裝潢環境舒適，性價比超高🥳晚市398，已經有海膽鮑魚拖羅，仲要有18品，無得挑剔了~
繼續閱讀