祥仔辣辣 (雅蘭中心) (已結業)

祥仔辣辣 地址：旺角彌敦道639號雅蘭中心2樓201號舖香港地而家搵間好食嘅川菜食真係好難，黎開旺角呢頭，本來想食牛角，但因為太多人排，所以決定轉戰呢間祥仔辣辣，因為晚飯時間見無咩人排隊，所以都驚係伏，但作為一個試伏專員，一於幫大家試下，一試就無後悔！！而家有一個二人套餐$398，有前菜（木耳，口水雞，酸辣粉）粉，招牌菜二選一就簡左酸菜魚，仲有新式菜，麻辣小籠包，包心菜等等，實在抵食。雖然多野食，但樣樣都好好食，無話邊一樣野係伏！如果大家有食開辣，就知道有D食物係辣而不香，淨係食到辣味，但係呢到既川菜真係每道菜都食到唔同辣椒既香味，認真唔錯。前菜黎講，木耳無咩特別，口水雞份量都唔少，而酸辣粉係用左寬粉，用左熱拌，但呢道菜係相當辣，我同朋友平時食開辣，都覺得好辣。而酸菜魚都唔差，魚夠滑唔腥，平時唔鍾意食魚嘅我，都覺得好食。而特色菜品既小籠包都好香，但係唔辣嘅。可能因為少人，所以整體服務都好好，會主動幫你斟水同上菜。環境同一般中式餐飲一樣，都坐得舒服。整體黎講，係一餐唔錯嘅川菜。食過返尋味指數：8.5/10