OPPA韓國燒肉店 (已結業)

朋友發現左個韓燒四人餐，$398豬、牛、雞、海鮮樣樣齊，咁抵，梗係一齊黎食。OPPA早鳥四人餐，星期一至星期日都有(公眾假期除外)，5:30-7:00PM供應，朋友趕及七點前去到，落左單就可以坐低慢慢食。先睇下個四式韓牛拼盤，色澤鮮明。有齊韓牛頸脊(左上)、雪花腩片(左下)、下腹牛肋肉(右上)、封門柳(右下)，雪花分佈平均，好香濃嘅牛味，店方仲好細心咁用紙條標籤左每款牛嘅名，非常清楚。原來封門柳係橫隔膜下面嘅一條柳，每隻牛只得一細條，好矜貴。啲油花靚到呢，味道拍得住和牛。牛排骨湯或泡菜年糕湯，一定一定要揀牛排骨湯，係我飲過最好味嘅牛骨湯，亦係全餐嘅精髓。全枱都係食肉獸，但我地都一致贊成呢個湯係全個套餐最正， 咸味適中，熱辣辣，又濃郁又香滑，感覺有少少黏口，因為牛骨嘅膠原蛋白溶晒去個湯到，金黃奶白色，明顯熬左好耐。大家都搶住飲，一大口一大口，好快就飲完。連個牛排骨都極之軟腍，完全冇渣，咀嚼一兩下已經可以吞落肚。韓式冰鎮蚌片或醬雞片，我地揀左醬雞片。雞片份量好多，個醬汁清淡，烤後可自行添加調味料。因為個餐份量太大，下次會叫韓式冰鎮蚌片，清淡返啲醬腌豬肋肉或五花腩，某人揀左五花腩，一路燒一路