酒鍋 (天文臺道) (已結業)

尋日都係打風落雨，今日又變返好熱啦！雖然室外溫度有成30度，但都無阻我同朋友打邊爐既興致因為我地早喺兩星期前睇到有個邊爐set好似好吸引咁，所以已經約好今晚一齊去食我地六點鐘上到去，見到入面地方都好闊落，冷氣亦都好足夠~真係岩晒舒舒服服打邊爐無錯，我地睇中既就係呢個套餐“ 酒鍋三十道豐味 歡樂時光套餐”(每位HKd$328+10%)依家連打邊爐都有“Happy Hour”呢個套餐有小食、不同既火鍋料(肉類、海產、丸類、餃類、蔬菜、烏冬樣樣齊)，仲包埋單叫一個都要二百幾三百蚊既四式鍋首先就當然要混下醬啦未打邊爐之前，就食下佢哋個小食頭盤先！個炸雞翼好香脆呀，但入面仲keep到啲肉好滑而且有肉汁套餐既湯底係“四國豐味”，分別有麻辣、椰子雞、肉骨茶同青咖喱，每款湯底其實都有不同材料！就好似相中既青咖喱咁就有大蝦、青口同蜆，每款都好足料而牛頸脊同黑毛豬既肉質都唔差，牛頸脊油脂分佈比例均匀，入口軟腍有牛味蕃薯蜆同海蝦份量唔係多，但勝在夠新鮮！二人淺嚐格外滋味丸類都係二人份量岩岩好，相中既酒鍋黑啤熊真係好可愛呀，佢地其實係墨汁墨魚丸，好彈牙睇得又食得相對之下餃類、炸魚皮同响鈴就無咁大驚喜，正正常常