快樂小羊火鍋餐廳

營業中

休息中

響香港要食羊肉火鍋並唔多餐廳選擇，個人推薦旺角既「快樂小羊火鍋餐廳✨」，羊肉好味唔會氈，而且親民價格，性價比十分高，除咗羊肉仲有牛豬及其他火鍋配料，選擇夠曬多，而家餐廳仲有”夏季特別狂歡”，消費滿300元送300現金劵活動，真係每個星期都想去。鍋底點左鴛鴦鍋，清湯及蕃茄湯，清甜好味又唔會太濃蓋過左肉鮮味。另外，而家仲做緊限時優惠3.8折，真係超級抵，三個人食到超級飽都係五百蚊左右。A級羊肉特價$28一碟，而且仲可以無限任點，羊肉肥瘦適中，質素非常高，除咗火鍋配料，仲一定要點佢哋既烤羊串及牛串，鐵板上碟保持熱度，牛及羊都各有各好味。最後甜品贈送迷你楊枝甘露，甜度適中又多芒果肉。而加點甜品黑糖池粑，外脆內軟，煙韌可口。總括嚟講「快樂小羊」環境適應，抵食又好味。