影片
更多
2018-03-21
927 瀏覽
呢間餐廳主打台式食品，裝修風格都幾少女，位置夠多，幾有規模，唔講仲以為係連鎖餐廳。裡面夠光猛、闊落，晚飯時間都有好多後生仔女幫襯，可能呢區冇咩台灣菜，而且台式野一向都受年青人歡迎。是日OT完都已經9點幾，仲未食個野，急急腳點左幾款，包括台灣必食嘅鹽酥雞、紅燒牛肉麵、肉燥飯，再加左杯海鹽芝士奶蓋炭燒烏龍茶。鹽酥雞最先上枱，細細粒，望落份量都幾多，以小食而言，45蚊，都算多。睇落就唔係好熱氣果種，未算炸起熱辣辣咁，略嫌鹽酥味唔強，表皮有少少硬身，唔夠鬆化。海鹽芝士奶蓋炭燒烏龍呢類台式飲品大行其道，奶蓋質素算中上水準，因為香港飲到好多奶蓋一係就稀杰程度唔夠，一係就冇味道。咁呢度嘅奶味都幾重，唯獨欠奉芝士同海鹽鹹味。但杰度剛好，又唔會太水，烏龍茶都幾有茶味，廿零蚊飲得過滷肉飯比起阿元、程班長呢D份量較多，肉燥肉粒亦多，食落唔係太鹹，但唔知點解好似食緊珍珠雞咁嘅味道。仲有半隻滷蛋，口感結實，三十零蚊我都唔要求主廚紅燒牛肉麵用左牛腩，份量都幾多，食落lum，仲有兩棵菜點綴下。麵質我幾鐘意，覺得幾好食係質地有彈性，唔會死實，食完都唔會好飽滯。湯底清澈，油份唔高，但紅燒味要加強，並且有少少香辣就正。佢
是日OT完都已經9點幾，仲未食個野，急急腳點左幾款，包括台灣必食嘅鹽酥雞、紅燒牛肉麵、肉燥飯，再加左杯海鹽芝士奶蓋炭燒烏龍茶。
鹽酥雞最先上枱，細細粒，望落份量都幾多，以小食而言，45蚊，都算多。睇落就唔係好熱氣果種，未算炸起熱辣辣咁，略嫌鹽酥味唔強，表皮有少少硬身，唔夠鬆化。
海鹽芝士奶蓋炭燒烏龍呢類台式飲品大行其道，奶蓋質素算中上水準，因為香港飲到好多奶蓋一係就稀杰程度唔夠，一係就冇味道。
咁呢度嘅奶味都幾重，唯獨欠奉芝士同海鹽鹹味。但杰度剛好，又唔會太水，烏龍茶都幾有茶味，廿零蚊飲得過
滷肉飯比起阿元、程班長呢D份量較多，肉燥肉粒亦多，食落唔係太鹹，但唔知點解好似食緊珍珠雞咁嘅味道。
仲有半隻滷蛋，口感結實，三十零蚊我都唔要求
主廚紅燒牛肉麵用左牛腩，份量都幾多，食落lum，仲有兩棵菜點綴下。麵質我幾鐘意，覺得幾好食
係質地有彈性，唔會死實，食完都唔會好飽滯。
湯底清澈，油份唔高，但紅燒味要加強，並且有少少香辣就正。
佢裡面加左酸菜，令湯底較酸，如果放喺面頭會好D。
呢度環境唔錯，服務正正常常，我見隔離枱切哂蛋糕，又幫手影相添。
人均消費亦唔係太高，始終呢區冇咩台式野，咁坐得幾舒服，所以都有唔少客人。
張貼
