和匠日式燒肉店

營業中

休息中

呢間日式燒肉店已經係我第二次嚟啦上一次嚟 係食夜晚嘅 價錢就比較貴今次就食中午飯 雖然淨值星期六日嘅中午但係人嚟絡繹不絕。 內在環境寬敞舒適，有大枱供一家大細飯聚。 叫咗兩杯飲品，一杯青瓜梳打，一杯青蘋果梳打。 兩杯味道都好清新，青瓜味較淡，而青蘋果味較甜。 大蕃茄沙律， 蕃茄好甜好新鮮。我好鍾意上面嗰種 甜酸醬汁，酸酸地好開胃。 粟米爽甜，蔬菜新鮮。 lunch set叫咗個鹽燒豬腩肉配豬骨湯烏冬， 豬腩肉肥瘦均勻，燒完之後口感薄薄脆，鹽燒好惹味 口感一流，烏冬煮得較淋。 另外叫咗個 美國 prime 頂級小牛排套餐。果然係頂級嘅牛肉，牛肉每一片脂肪比例 均勻，色澤靚。口感當然係一流啦!用炭爐燒不到 30秒就食得，牛肉口感軟淋 ，入口溶化，牛騷味濃，好味! 最後叫咗帆立貝。帆立貝手掌咁大隻，一公一乸，上面鋪咗牛油同埋黑松露，牛油味道香濃，黑松露較淡。