影片
更多
2014-12-13
1814 瀏覽
星期五開幕,要上班,預咗嚟到都食唔到! 6點幾到咗話下午1點已經派曬籌,但出面仲有5、60人排緊隊...... 食唔到望吓都開心!終於星期日放假,知佢開10點,但放假冇奶油唔訓晏啲啫~ 以下就係成功食到moomin cafe攻略:12點前到咗攞籌,4人或以下都係A籌,亦係最多人攞, 個冧把仲要等70張! 接住去附近其他餐廳先食午餐再喺附近行吓,3點就可以入座了!!!菜單選擇比較少,我記得東京嗰間都係咁上下,下午茶大部份人都食個pancake set, 午餐食到飽曬,最主要都係入嚟影吓相... 估唔到個pancake又幾好食噃,影咗好耐相先開始食都仲係暖嘅,又唔會乾唔會太甜,有香味,就算唔點cream/士多啤梨醬都好味!姆明屋有3層,打開有chocolate mousse(濃濃而有點結實的), 焦糖燉蛋(好滑)同一個冇乜味嘅布甸。 哩個set附送姆明公仔一粒,有4款選擇!另外嗌咗個芒果布甸,食完個杯可帶走,當然係畀個新嘅你,有兩款選擇!個portion比較細,但芒果味夠,唔馬虎,不是只有賣相!負責人流嘅係一個日本人(可能都係經理),可英語對答,對住門外咁多人嘅心急問題同壓力,依然保持笑容
終於星期日放假,知佢開10點,但放假冇奶油唔訓晏啲啫~ 以下就係成功食到moomin cafe攻略:
12點前到咗攞籌,4人或以下都係A籌,亦係最多人攞, 個冧把仲要等70張! 接住去附近其他餐廳先食午餐再喺附近行吓,3點就可以入座了!!!
菜單選擇比較少,我記得東京嗰間都係咁上下,下午茶大部份人都食個pancake set, 午餐食到飽曬,最主要都係入嚟影吓相... 估唔到個pancake又幾好食噃,影咗好耐相先開始食都仲係暖嘅,又唔會乾唔會太甜,有香味,就算唔點cream/士多啤梨醬都好味!姆明屋有3層,打開有chocolate mousse(濃濃而有點結實的), 焦糖燉蛋(好滑)同一個冇乜味嘅布甸。 哩個set附送姆明公仔一粒,有4款選擇!
另外嗌咗個芒果布甸,食完個杯可帶走,當然係畀個新嘅你,有兩款選擇!個portion比較細,但芒果味夠,唔馬虎,不是只有賣相!
負責人流嘅係一個日本人(可能都係經理),可英語對答,對住門外咁多人嘅心急問題同壓力,依然保持笑容款待! 而餐廳裡面嘅香港人侍應個個都好有禮貌,見你影緊相佢要行過送餐都會先讓客人影完先行,仲會抱住啲大大個嘅公仔畀食客影相,如果好彩,仲可以坐window seat對住維多利亞港慢慢歎...er...都係唔可以慢,出面好多人排緊隊呀!
開幕期間食滿300蚊仲有個開幕紀念pin送,鍾意姆明嘅我真係好開心呀!!!
*送完即止!
每人消費幾十一百就當入場費影吓相,但記住影完就要讓畀人影,唔好hold太耐,食完就讓個位畀人lar!
張貼
