The Grill Room (銅鑼灣廣場二期)

先講環境👍🏻👍🏻唔會好似去食自助餐放題咁，完全係同平時食西餐一樣嘅格局，好有氣氛，同埋張枱好大，同隔離枱都有一定嘅距離，坐得好舒服。服務亦都係一流，好有禮貌同熱情。

食物方面，我哋選擇咗$298任食3款和牛，咁都包埋沙律，湯，2款意粉同薯條。另外亦加左$98一個small size seafood plates(唔建議加，味道算正常但稱唔上岀色)

1

餐包意外地好食，南瓜湯都唔錯。

一開始3份牛都會上一份俾我哋試，亦有介紹，咁分別有澳洲M4+和牛脊肉，澳洲M7燒和牛肉，澳洲M7和牛冧扒。

燒和牛肉: 肉味淡d, 一樣有overcooked 嘅問題，大約係5-7成。

和牛脊肉:第一round 有少少overcooked, 肉質有啲韌，但牛味好岀。

和牛冧扒:呢款個熟度係well-done，好韌。但味道好好，好香炭燒味。但實在太熟，唔敢再叫多round 來食。

和牛脊肉:第二round係medium rare，口感軟好多。

意粉係waitress 會拎住一大兜問你要唔要，我都試左嘅。2款通粉熟度都ok，合格。
香草蕃茄牛面肉大通粉:好重牛脂味，有啲膩。
青口辣肉腸大通粉:一樣都係tomato base，但冇牛所以個sause light d，清爽好多。

總結而言，我覺得$298係值得一試，岀面食餐飯都差唔多，而且佢可以任食，質素我覺得都唔錯。仲要有環境有氣氛。