香江花月 (荃灣廣場)

營業中

休息中

呢間餐廳午市、晚市都有呢個$288嘅2人餐，平民抵食。套餐唔包任何飲品，可再另外單點水、茶或者其他飲品。湯底方面，我哋揀咗秘製沙嗲鍋同菇菌清湯鍋。沙嗲鍋香濃惹味，帶有微辣。菇菌清湯清淡，適合配搭各款食材。特選牛肉2碟，肉質鮮嫩。中山脆骨腩4件，有嚼勁。台灣鴨血4件滑嫩，吸收咗湯底嘅味道，更好味。午餐肉栗米餃4粒外皮煙韌，內餡豐富。蟹籽墨魚丸4粒，彈牙鮮味。時令蔬菜新鮮爽脆，食啲菜健康啲。日本烏冬煙韌，吸收湯底精華，食完飽飽。