158
9
1
| 餐廳: | 香江花月 (荃灣廣場) |
|---|---|
| 優惠: |
於此國泰夥伴餐廳用餐賺里 ! 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
開飯介紹
香江花月嚴選各地優質食材，以花入饌，以鮮香儒雅為引言，配以養生美顏的鍋底作主軸，將50年代香港獨有的華洋風尚文化融合於各道菜式，讓每一位穿越時空來到香江花月的客人能從食材的本質上嚐到舊時香港獨特的情懷，體驗全新的饗食過程。
繼續閱讀
營業時間
今日營業
10:30 - 16:00
17:30 - 23:00
星期一至日
10:30 - 16:00
17:30 - 23:00
公眾假期
10:30 - 16:00
17:30 - 23:00
公眾假期前夕
10:30 - 16:00
17:30 - 23:00
以上資料只供參考, 請與餐廳確認詳情
有關獎賞計劃
優惠
| 餐廳: | 香江花月 (荃灣廣場) |
|---|---|
| 優惠: | 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
食家推介
相關文章
新開的時候食過一次，以繁榮的老香港為主題非常驚艷！香江花月主打靚料火鍋店，感受昔日華洋文化，充滿懷舊華麗風格，每間店主題都有少少唔同，特別喜歡荃灣店以當年蓬勃紡織業為靈感，室內裝飾處處位細節令我佩服整體而言，色香味具全，有顏值有實力，服務態度都好好，店員好有耐性為我哋拍攝，而且抽風系統非常好，食完完全沒有火鍋的味道，無論系慶祝或者約會都好適合辣汁花蛤鍋酸酸辣辣湯頭很開胃，微微bb辣大花蛤新鮮無沙，仲有好多蕃茄、洋蔥、西芹，湯頭味道濃郁都好正，來自蕃茄嘅酸甜，花蛤嘅鮮味，建議先細火慢煮品嘗一下湯底，食哂花蛤先就唔怕Overcooked，湯底本身已有不少蔬菜，比起一般火鍋更加養生香江拼是火鍋必備的拼盤，朋友最喜歡吃靚牛完全滿足到， 首先擺盤超靚，包括有本地手切牛、牛柳粒、牛心椗、牛白肉、毛肚、牛展、安格斯牛肉，厚切牛舌，款式超多，一次過嘗盡不同部位，安格斯捲成花花既形狀，份量大方，大約5秒就可以，肉質嫩滑，一朵花都差不多有7-8片，份量很豐富。比較少吃到的是牛白肉，是牛胸前肋骨上的筋膜類肌肉，輕灼般油香十足。牛心頂是牛心臟頂部，質感好爽口七色丸超足料的手打丸，色彩繽紛很吸睛，放心都系用咗天然植物色素，當中最愛手工芝士三寶丸、青咖哩墨魚丸、咸蛋黃墨魚丸、南乳墨魚丸，口感彈牙美味連飲品方面都系精緻充滿仙氣，四款特飲各有特色，口感清新，杯上吹了一個桃味波波，香味很溫柔，視覺享受上完勝最後不要忘記參觀霓虹玻璃屋，好適合打卡拍照，幻彩燈光會不斷轉色，像team lab藝術展覽一樣，在寸金尺土的香港，竟然有餐廳如此高成本打造拍攝區，也是難得
繼續閱讀
之前到過佐敦的香江花月，已經好喜歡在這店打邊爐！最近知道荃灣都有分店，所以約埋閨蜜吃餐好！ 荃灣店地方很大，而且好多卡位和窗邊位，感覺闊落開揚，坐得舒服。 湯底選了黑蒜豬骨湯 – 辛溫的黑蒜配乳白色豬骨湯，湯底濃郁豐富，打邊爐前先喝一口湯底，鮮甜濃稠，蒜香層次分明，滾淥火鍋料也很掛湯惹味。 火鍋料點了華人塔(牛、豬、海鮮)，貪佢樣樣有齊，而且擺盤好靚，好似食High tea咁一層層，打邊爐都可以好Elegant～海鮮鮮甜，特別喜愛花蟹，嫩滑鮮香，帶子彈牙厚肉。牛肉豬肉肉質柔軟，冇筋啖啖肉，配湯底好好味。 另外試了七色餃， 包括：金華火腿菜肉餃、和牛香茜餃、姬松茸野菌餃、蟲草花餃、午餐肉粟米餃、冬菇薺菜餃、蟹肉黑松露餃。七彩顏色的餃子超美，隻隻不同口味也不知內裡饀料，皮薄饀靚，所以每吃一隻都很驚喜！我自己比較喜愛素餃，吃得出材料香味，好吃！ 飲品都好靚好吸引，所以點了兩款氣泡飲料，店員即席為飲品打泡，好有趣～鳳琉香 – 鳳梨汁及薑味汽水，天然菠蘿香，清甜可口。桃花緣 – 乳酸梳打配上日本桃肉，每喝一口都吃到桃肉，口感豐富。 要讚讚店員姐姐和藹有禮，照顧周到，打邊爐都可以好享受舒服，女生必愛！
繼續閱讀
太耐無嚟打邊爐 今日就同朋友揀咗依間 食好啲餐廳裝修好有feel 樓底又好高 有種好高貴嘅感覺坐低就會有依杯茉莉花雪梨茶as welcome drink 湯底都有好多唔同選擇揀好湯底之後就去咗溝醬基本上打邊爐要嘅調味料都有齊晒所有嘢都好靚辣汁花蛤鍋 $298湯底鮮甜得嚟 只係帶少少少少辣🤏🏻清湯嘅我 都輕鬆handle對比起辣味 蕃茄味更加重 似帶辣嘅蕃茄湯咁 就咁飲都好好飲另外不得不提 花蛤嘅份量多得嚟 每隻都好大隻而且好鮮味 唔錯唔錯至於菇類都唔少🍄仲有好多唔同品種香江拼 $798見好多枱都有嗌用嚟打卡真係無得輸 上枱嗰吓有啲震撼擺盤好有心思 望落好豐盛同好吸引一個拼有8種牛嘅部位 餐廳好有心咁有解釋每個部位要淥幾耐-牛心頂: 好爽口-牛白肉: my all time fav🥳好重嘅油香味 又唔會膩-牛柳粒: 肉味好濃 好juicy-牛小腿: 比較瘦 但唔會鞋 都幾有咬口其他嘅質素都唔錯☺️-牛舌-手切肥牛-安格斯肥牛-黑柏葉七色丸 $98(鹹蛋黃墨魚丸, 蟹籽墨魚丸, 黑松露墨魚丸, 南乳墨魚丸, 椰芋墨魚丸, 青咖喱墨魚丸, 紅咖喱魚丸)墨魚丸都幾爽口彈牙 再配夾唔同嘅料 味道都幾得意桃花緣 $88香芳幻 $88好滿足嘅一餐
繼續閱讀
今日收工同朋友過嚟幫襯荃灣廣場呢間靚靚火鍋店， 之前經過嘅時候已經覺得呢間鋪頭裝修得幾靚，侍應安排我哋入座後，遞上餐牌後，就送來兩杯茉莉花雪梨茶， 個杯好精緻，飲落清香，唔會太甜，餐廳座位舒適， 餐桌同餐具都乾淨衛生，鳳琉香 - $78很有趣，侍應會在飲品上整一個氣泡， 打卡一流，係用鳳梨汁同薑味汽水調教出嚟， 酸酸甜甜， 女生一定喜歡。桃花緣 - $88這款也有一個煙燻氣泡，用自家製桃肉啫喱、乳酸、梳打汽水和新鮮日本桃肉調教而成， 口感豐富，很香桃味但不會過甜。日本牛乳玫瑰鍋 - $168和朋友一起選了日本牛乳玫瑰鍋， 餐廳選用日本北海道全脂牛乳和日本玫瑰做湯底， 所以一路滾嘅時候，都聞到好香嘅奶香味同淡淡嘅玫瑰香， 出面未試過， 第一次試呢個湯底，但原來呢個配搭又好夾，好香好滑， 湯底好有心思咁整成白色玫瑰花，好靚，賞心悅目，又係影相位，香江拼 - $798落枱嘅時候，係有一個大圓形圍住個爐邊， 擺盤精美，好豐富，放滿曬牛唔同嘅部位，放得好靚，都係打卡位，香江拼有8種牛嘅部分：牛白肉、牛柳粒、手切肥牛、安格斯肥牛、牛心頂、牛小腿、牛脷和黑柏葉，肉色鮮嫰吸引。餐廳好細心，會預備咗一個介紹同建議涮嘅時間，以免客人因為唔熟悉而煮得過熟，呢間嘅牛真心出色，牛柳粒、手切肥牛同安格斯肥牛都牛味濃，軟稔有肉汁，不會靭，正！黑柏葉同牛心頂很爽脆，口感很好， 而且牛白肉和牛心頂唔係到到都食到，呢到有得食，食材又高質，很好。七色丸 - $98七色丸是七款不同味道的丸類：紅咖哩魚丸、椰芋墨魚丸、南乳墨魚丸、黑松露墨魚丸、鹹蛋黃墨魚丸、青咖哩墨魚丸和蟹子墨魚丸，味道各有特色，可以嘗新口味，感覺新鮮，有幾款特別出色：南乳味道香濃，但不會一味死咸，椰芋味道好似食到芋頭/芋蓉，有椰芋香味，好特別，鹹蛋黃味道濃郁，有點沙沙的口感。總結：餐廳裝修漂亮有格調，座位寛敞舒適，餐桌和餐具乾淨衛生，侍應招呼亦殷勤有禮，食材質素好，亦處理得宜，適合朋友聚會聊天或情侶拍拖食飯。
繼續閱讀
久違再食香江花月，初嚐時係佐敦店深得我心，今次變為初嚐荃灣店，味道依然唔錯。黑蒜豬骨鍋 $328．4-5舊大大件豬骨同煲，認真震撼．湯底除咗有淡淡豬肉香，仲有黑蒜作基底襯托香江拼 $798．多達9款牛肉部位，每次上枱都覺得好震撼．食得出肉料不俗，起碼唔會每款肉都差唔多味道．欣賞油脂香四溢嘅牛白肉，口感滑溜．牛柳粒肥瘦比例適宜，輕輕淥熟就軟熟易咬，唔會乾柴．安格斯肥牛、牛小腿、手切肥牛等都帶一定厚度，入口牛香令人滿足．爽口之選依次推介牛脷、黑柏葉同牛心頂七色餃子 $108．每款餃子顏色各異，擺盤用心．餃子皮軟滑唔死腍，每隻餡料都包得好足又夠味桃花緣 $88．頂層即場擠有煙燻氣泡，打卡一流，但要小心被風瞬間吹散．內有乳酸、梳打汽水同桃肉，入口帶果香同酸甜清爽感．拌勻底層就會食到自家製桃肉啫喱，增加口感異世界 $88．混合奇異果、蘆薈汁同梳打．飲落仲帶有青瓜嘅清新前調*荃灣店保留咗佐敦店特色，除咗沿用懷舊復古設計同擺設，仲特設打卡用房仔。
繼續閱讀