影片
更多
2008-10-23
69 瀏覽
我地兩位去搵大閘蟹食, 選擇有二: 東海及鴻星雖然知道鴻星好多人book, 口碑唔錯, 主要原因相信是抵食, $298有三隻蟹及好鬼多碟菜, 但其實加得一及茶芥來, 起碼$340一位, 純個人角度, 食大閘蟹是享受為主, 所謂一隻起兩隻止(太多亦太寒, 我識有人食到感冒), 物以罕為貴, 給你三隻蟹, 往往只是浪費(當然有些人只食糕, 就無得講啦!), 只是心理覺得抵(這正是香港人的心態, right?), 我食兩隻蟹已經覺得筋疲力竭, 兩隻蟹連箝連腳成幾十部份, 給我第三隻我也沒本事吃!講價錢:兩位去東海食蟹有兩個選擇, 一個餐是$288一位, 另一個是$398一位, 相差$110, 可能這裏是遊客區(我看見很多外國人, 日本人, 鬼佬都好多), 所以他們大多較富貴, 選了$398餐, 分別是燉翅變了佛跳牆及多了一壼花彫酒, 我們就最寒酸了, 只吃$288一位那款, 價錢方面其實平鴻星很多, 因為$288 已包加一及茶芥, 無多無少, 兩位盛惠$576 (面對金融海嘯, 我一毫子貼士都無畀, hehe).講上菜次序:燉翅一人一碗 (唔錯, 有花膠, 真的有排翅, 不是生粉水, 可能
雖然知道鴻星好多人book, 口碑唔錯, 主要原因相信是抵食, $298有三隻蟹及好鬼多碟菜, 但其實加得一及茶芥來, 起碼$340一位, 純個人角度, 食大閘蟹是享受為主, 所謂一隻起兩隻止(太多亦太寒, 我識有人食到感冒), 物以罕為貴, 給你三隻蟹, 往往只是浪費(當然有些人只食糕, 就無得講啦!), 只是心理覺得抵(這正是香港人的心態, right?), 我食兩隻蟹已經覺得筋疲力竭, 兩隻蟹連箝連腳成幾十部份, 給我第三隻我也沒本事吃!
講價錢:
兩位去東海食蟹有兩個選擇, 一個餐是$288一位, 另一個是$398一位, 相差$110, 可能這裏是遊客區(我看見很多外國人, 日本人, 鬼佬都好多), 所以他們大多較富貴, 選了$398餐, 分別是燉翅變了佛跳牆及多了一壼花彫酒, 我們就最寒酸了, 只吃$288一位那款, 價錢方面其實平鴻星很多, 因為$288 已包加一及茶芥, 無多無少, 兩位盛惠$576 (面對金融海嘯, 我一毫子貼士都無畀, hehe).
講上菜次序:
燉翅一人一碗 (唔錯, 有花膠, 真的有排翅, 不是生粉水, 可能係d味精好野, 呃倒我!) -> 蟹粉蒜茸包四片(有特色) -> 蟹粉小籠包四隻 -> 兩隻大的大閘蟹 -> 十五分鐘後, 再來兩隻較小的大閘蟹 -> 一碟津白(時蔬) -> 兩碗手打烏冬 -> 兩碗薑茶芝麻湯丸,每碗兩粒
講大閘蟹:
那兩隻大閘蟹, 其實是一大一小, 先來大後來細, 不知道鴻星會不會一次過來兩隻(甚至三隻, 因為這裏好像兩小時內要完成整個蟹宴, 仲好full O忝, 用兩小時食三隻蟹, 對我來說是沒可能), 相差一段時間來兩隻蟹是必需的, 涷了味道會差點兒, 不過可能我食得慢, 雖然兩隻蟹到枱的時間相隔十五鐘左右, 但我也不及食完整隻大蟹, 小蟹便到, 大閘蟹內的蟹糕出奇的多(大小的也是, 真厲害), 連箝也有糕啊, 配上有酒味的醩, 真的要 thanks god. (不過最後有些較細的腳, 我也放棄了 )
講蟹粉蒜茸包:
這味菜很特別, 有創意得來, 非常極之好味, 上枱是一碟蟹粉及一籃蒜茸包(4 pcs), 為免蟹粉會變涷,侍應會將那碟蟹粉放在原先用來燙茶的蠟燭小爐上, 還會說到, 「兩位請將蟹粉搽上蒜茸包一同吃。」在未吃前, 心想那四小塊蒜茸包應當也搽不完這些蟹粉了,我便將兩塊較大的蒜茸包先塗滿蟹粉, 一塊給女友, 一塊給自己, 方才發覺已經塗去超過六成的分額, 放入口裏的感覺是, 蒜茸的蒜和蟹粉的香簡直配合得天衣無縫, 雖然盛下的那兩片蒜茸包只屬較小的, 但是餘下來的蟹粉當然是不足夠以將其塗滿, 我惟有連碟邊的蟹粉也刮去及那些碟內不知是油是汁的東西也塗在上面, 美味感覺令我口水還在流啊!
講服務:
可能是在遊客區(洲際隔離), 服務是一流的, 不過我厭他們太體貼, 我在食蟹的同時, 又在吃烏冬, 令侍應哥哥誤以為那隻大蟹碟阻住我, 還說要幫我收, 其實我還有很多蟹腳未食.
講地點:
尖東站J 出口往新世界中心, 由尖沙咀站出閘行地底路也只需五分鐘便到新世界(比起中環站至香港站那段長路好得多), 不是那麼遠, 我收銅鑼灣, 所以搭港鐵在尖沙咀站出閘, 也非常方便, 沙田大圍的朋友就更快捷, 駕車的朋友更好, 因為惠顧滿二百元有兩小時免費泊車及第三小時半價。
講酒樓:
環境唔錯, 新世界中心不是那麼多人, 行得好舒服, 酒樓座位寬闊, 食得舒服, 傾計也ok (酒樓當然唔會太靜, 但比起旺角銅鑼灣區, 算好好啦!)
結論:
平衡各方面, 食大閘蟹, 我都推介新世界東海, 可能我不大食, 所以分量都ok.
張貼