影片
更多
2008-06-09
4 瀏覽
240蚊任食哈勤大師 屋企有人生日，一行十人去左食buffet，滿八位有八折，人均約240蚊，原價要288蚊。 呢間野以冷盤及雪糕最為掂檔。原裝正貨細杯裝「哈勤大師」雪糕有雲呢拿、朱古力同士多啤梨三款味道選擇，我每款都食左一杯。拎雪糕時聽到側邊嘅妹妹話上次佢黎有出曲奇味。 冷盤全部不停refill，絕無任何瘋狂搶食情況。推介鮮甜嘅長腳蟹同埋矜貴嘅巴馬火腿，回本必食。冇生蠔，有Ｄ失望。三文魚刺身夠肥美，仲有煙三文魚同埋超薄片橄欖油浸半熟三文魚，都係好野。幾款凍肉每樣我都試左一片，味道都ＯＫ。青口size較細但好甜。凍蝦同大大隻翡翠螺，屋企人食過話麻麻地。壽司偶然會出現赤貝，呢個好多時缺貨。貴價蟹柳，食左幾條。沙律款式好多，醬汁有千島、法汁、意大利沙律同黑醋。菠蘿哈蜜瓜都超好味，哈蜜瓜伴巴馬火腿更是一絕。雞絲海哲頭沙律，Ｄ雞肉居然係新鮮雞味，呢個有Ｄ驚喜。有幾種芝士，食得出有巴馬臣芝士碎、車打芝士、藍芝士同埋卡通片中老鼠經常偷食嘅果款好多窿窿嘅芝士。一時諗唔起叫咩名，有冇人記得？留言話我丫唔該。搽上餅乾或麵包，再去焗爐慶一慶佢等佢半溶就真係超掂檔喇！我全部食左少少試味，個人覺得巴馬臣
屋企有人生日，一行十人去左食buffet，滿八位有八折，人均約240蚊，原價要288蚊。
呢間野以冷盤及雪糕最為掂檔。原裝正貨細杯裝「哈勤大師」雪糕有雲呢拿、朱古力同士多啤梨三款味道選擇，我每款都食左一杯。拎雪糕時聽到側邊嘅妹妹話上次佢黎有出曲奇味。
冷盤全部不停refill，絕無任何瘋狂搶食情況。推介鮮甜嘅長腳蟹同埋矜貴嘅巴馬火腿，回本必食。冇生蠔，有Ｄ失望。三文魚刺身夠肥美，仲有煙三文魚同埋超薄片橄欖油浸半熟三文魚，都係好野。幾款凍肉每樣我都試左一片，味道都ＯＫ。青口size較細但好甜。凍蝦同大大隻翡翠螺，屋企人食過話麻麻地。壽司偶然會出現赤貝，呢個好多時缺貨。貴價蟹柳，食左幾條。沙律款式好多，醬汁有千島、法汁、意大利沙律同黑醋。菠蘿哈蜜瓜都超好味，哈蜜瓜伴巴馬火腿更是一絕。雞絲海哲頭沙律，Ｄ雞肉居然係新鮮雞味，呢個有Ｄ驚喜。有幾種芝士，食得出有巴馬臣芝士碎、車打芝士、藍芝士同埋卡通片中老鼠經常偷食嘅果款好多窿窿嘅芝士。一時諗唔起叫咩名，有冇人記得？留言話我丫唔該。搽上餅乾或麵包，再去焗爐慶一慶佢等佢半溶就真係超掂檔喇！我全部食左少少試味，個人覺得巴馬臣芝士碎最好。
熱葷冇乜野好食，除左即切西冷、炒蟹同埋一款燒雞之外，其它都好行貨，例如蒸魚食得出係雪藏貨，根本無新鮮魚嘅鮮甜味；印度薄餅唔係印度師傅拉出黎果種口感嘅薄餅。有鐵板燒食物，只有燒魷魚鬚比較好，燒蝦都係雪藏蝦，其他唔好食嘅就不再多講了。有湯粉麵，但係我冇食到。周打魚湯送麵包，good！
甜品絕對可以話係完全唔掂，焗西米蓮蓉布甸，原本以為好懷舊，點知根本焗唔夠，食落係一pat野咁，完全冇果種焗出黎嘅焦香。其他蛋糕同撻、慕絲等等，都係好難食，就連最基本嘅雲石芝士蛋糕都係非常難食，鍾意食甜品嘅朋友真係要留心呢part。除左任食原裝正貨細杯裝「哈勤大師」雪糕呢下支持住個甜品區之外，基本上我覺得個甜品區嘅其他野都無必要試。
總結一下，黎呢度要專攻冷盤、沙律，然後試試Ｄ芝士，最後就係掃雪糕。仲有，跟餐飲品只得一杯，唔想額外俾錢就只可以飲檸檬水喉水。240蚊黎講，唔算抵。
張貼
