今次試作左割烹鐵板燒午餐，性價比超高！
芒果汁野菜沙律
開胃清新，芒果汁酸酸甜甜，沙律菜新鮮爽脆
茶碗蒸配蟹肉汁魚籽
蒸蛋嫩滑，蟹肉汁鮮甜，加上蟹肉絲、香菇、魚籽卜卜脆，簡單滿足。
香煎北海道帶子配白粟米鬚
帶子外焦內嫩，配上白粟米鬚既酥脆同翠玉瓜既軟腍，整體口感豐富！
銀鱈魚配昆布牛油汁
魚肉鮮嫩，魚油甘香，搭配昆布牛油汁令鮮味更突出。
A4宮崎和牛薄燒
和牛油脂甘香，肉質軟淋，壽喜燒汁甜香入味，蘸蛋黃汁食口感更嫩滑，突顯和牛香氣。
赤麵豉湯
麵豉湯濃郁，仲有唔少海帶。
蒜蓉蛋炒飯
炒得乾身唔油，粒粒分明，蒜香同蛋香十足。
雲呢拿雪糕
自家製雲呢拿Gelato奶香濃郁
$480食到米芝蓮級數鐵板燒，性價比超高！特別日子想獎勵自己，或者節日慶祝，呢度絕對係好選擇～
