影片
更多
2021-01-01
492 瀏覽
送舊迎新嘅一刻🍾🍾 2020年嘅挑戰好大, 但深信2021年嘅挑戰只會更加大, 所以2021年第1餐係十分之重要 😎昨晚除夕倒數於St Regis客房內, 瞓一覺好嘅! Check out之後喺同一建築物內醫肚開飯由於疫情關係, 午餐時間延遲至4點半, 啱晒2點check out之後就立即醫肚 期望係有嘅, 之前食過晚餐, 水準之高, 亦係選擇呢到作為2021第1餐嘅原因之一煙燻素鵝 - 所有材料入口爽脆, 微微嘅煙燻味為今餐打開一個開始👍🏼煙燻滷水鵝肝 - 呢個係對上一次晚餐試過嘅菜, 一試難忙 今次當然要再encore啦! 濃郁嘅煙燻味, 嫩滑入口即溶, 完全唔油膩, 101分之作錦繡球黑椒和牛酥 - 少少嘅一口, 就係睇賣相唔會有太大嘅驚豔, 但一咬落去外層嘅酥脆完全唔油, 再細咬入口, 黑椒味 > 牛味 > 牛嘅油脂味, 一層一層咁表現出黎... 🥲🥲酒香肥腩叉 - 一口嘅size, 千祈千祈唔可以斯文咁分開咁幾啖食, 因為咁就會白白浪費左一隻咁正嘅豬🐷... 成舊一啖咬落去, 酒香 > 甜味, 再細嚼, 肥肉 > 肉汁 > 爽彈嘅口感.
昨晚除夕倒數於St Regis客房內, 瞓一覺好嘅! Check out之後喺同一建築物內醫肚開飯
由於疫情關係, 午餐時間延遲至4點半, 啱晒2點check out之後就立即醫肚 期望係有嘅, 之前食過晚餐, 水準之高, 亦係選擇呢到作為2021第1餐嘅原因之一
煙燻素鵝 - 所有材料入口爽脆, 微微嘅煙燻味為今餐打開一個開始👍🏼
煙燻滷水鵝肝 - 呢個係對上一次晚餐試過嘅菜, 一試難忙 今次當然要再encore啦! 濃郁嘅煙燻味, 嫩滑入口即溶, 完全唔油膩, 101分之作
錦繡球黑椒和牛酥 - 少少嘅一口, 就係睇賣相唔會有太大嘅驚豔, 但一咬落去外層嘅酥脆完全唔油, 再細咬入口, 黑椒味 > 牛味 > 牛嘅油脂味, 一層一層咁表現出黎... 🥲🥲
酒香肥腩叉 - 一口嘅size, 千祈千祈唔可以斯文咁分開咁幾啖食, 因為咁就會白白浪費左一隻咁正嘅豬🐷... 成舊一啖咬落去, 酒香 > 甜味, 再細嚼, 肥肉 > 肉汁 > 爽彈嘅口感... 🤤🤤🤤
黃金富貴蝦🦐🦐 - 對上一次食嘅一隻巨型瀨尿蝦, 今次變左3隻細嘅🤔 結果? 細隻係好食d嘅, 點解? 咁就睇您追求嘅係咩喇! 大隻有爽口彈牙嘅感覺, 細隻就入口鮮甜, 配埋外層嘅咸蛋黃, 我投降喇...
三文魚籽蟹肉菜苗餃 - 正正常常嘅一粒餃, 唔差亦唔太特別 🤔
黑魚子糯米小丸子 - 蒸到啱啱好嘅糯米入面配上半肥瘦嘅豬肉, 丸子上面嘅黑魚子有提鮮嘅作用, 唔錯唔錯!
鮮蝦揚州炒飯 - 無飯不歡嘅女朋友一定要有一碗米飯落肚, 就簡簡單單order左呢個! 佢看似簡單... 其實好唔簡單 米飯粒粒分明, 好有咬口, 油分量剛好, 令炒飯食落口唔會太乾爭爭, 鮮蝦嘅爽甜, 配埋其他切得細細粒嘅叉燒/菜粒, 一啖就有晒唔同嘅味道同埋口感!! 🤤👍🏼
總括黎講, 呢一餐絕對令2021嘅開始增色不少, 所有小食, 小菜, 海鮮去到炒飯都好好味!! 雖然今次點心蒸品只係試左一樣, 但係個人感覺上就略遜上星期試嘅東涌喜來登<采悅軒>💁🏼♂️
張貼
