和牛燒肉‧純

正所謂食燒肉一定要係同男朋友食，今日同男朋友去食好西我地去左尖東有間和牛燒肉度食，睇下有幾純。入到去發覺有好多日本人喺度到，就知道呢間餐廳一定有好地道嘅日本和牛。今次我地就單點，入面有四款和牛，分別係特選牛、上牛扒肉、牛舌同西冷。我地先食個沙律開開胃，跟住服務員細心同我哋介紹唔同嘅牛同食用嘅次序。我地先食特選牛，肉質鬆軟；跟住上牛扒肉就油份豐盈香腴；牛舌好有嚼勁；最後燒西冷牛，睇飲食節目睇得多，一直都以為係都市傳說，宜家終於見識到傳說中嘅入口即溶，擺入口之後深深感受質地細膩棉化，食到我地兩個直豎拇指。呢餐雖然價值不菲，但係我地一致認為係物超所值呀。慶祝大節日就最啱食喇！哈哈，原來之後先發覺有拼盤抵食啲咯唯有下次醒目啲