德美壽司

營業中

休息中

每次黎H8都見到德美好多人等，所以都無食到。今次就終於的起心肝book個位試下佢。三文魚䰵軍艦三文魚䰵好新鮮，比一般嘅新鮮，濃味啲，脆身啲。油甘魚腩壽司幾肥而且夠厚，魚油香味都好濃。飯都好淋身，唔散。池魚壽司魚味幾濃。飯就同油甘魚一樣。炸三文魚皮油溫控制唔錯，唔會太淋油。好脆口。櫻花蝦菜餅天婦羅炸得好乾身，不過粉有少少厚左啲啲。活鰻魚朴葉飯海鮮炒飯炒飯炒得幾粒粒分明。而且都幾夠料。總結：呢度嘅壽司嘅質素係全店最好，普遍魚生係新鮮又唔會太薄。如果我下次再黎一定會食再試多啲呢度嘅壽司。