一遊

營業中

休息中

把握King Parrot Group今次最後一日信用卡優惠，嚟試下佢啲小食。呢度勝在旺中帶靜，又開得夜。茶壼湯大部分居酒屋都有，呢度都算足料，湯好有鮮味，配有一隻蜆，幾粒小帶子，蝦仔，本菇。見呢個名幾特別，知應該係啲炙燒過嘅吞拿魚，但呢個冇平時常見嘅火炙三文魚燒得咁熟，保留清新感，仲配埋個醬汁同洋葱絲，好開胃。燒玉子係我差不多每次去居酒屋都會食嘅，見呢度有唔少款或，四五款中我揀咗少有啲嘅海膽，可惜有啲失望，可能海膽都係要生食好啲，加熱咗連埋啲玉子好似冇乜味。串燒方面都唔錯，佢屬於唔會落好多醬汁嗰種，啱哂我吔，原汁原味。一般燒茄子都會原條上，呢度好似有啲心思咁，切件方便食，上面仲加咗啲木魚碎，唔錯。但如果想要真係好＂燒＂嘅燒茄子就唔適合揀呢個喇。