影片
更多
2018-05-04
65 瀏覽
“Omakase”呢個名稱相信絕對唔會感到陌生，近幾年都多左好多呢類型既餐廳出現，平既幾百蚊一位，貴價既去到接近二千蚊一位都有，但講到性價比高 ”道鮨”可以話係值得一提，係銅鑼灣地段一個set $1200 真係相對算係合理，環境同裝修都算舒適，雖然話野食既味道唔算話十分驚喜 但絕對係非常新鮮。Omakase從來都係一件好考心機同功夫既事情，師傅要係時間同質素之間取一個平衡，有時多人起上黎 可能同時要serve幾枱客人。好彩今日上到黎，人流唔算多 師傅可以更好控制時間同介紹每一碟菜式。今日食物既順序編排得好舒服，首先有芝麻豆腐，玉子燒同櫻花蝦油菜作為前菜 三者都屬於淡口既 味道亦不過不失。刺身部分真鯛、深海池魚都有一片魚腩同一片魚背 可以一次試晒兩種唔到既口感，真鯛較為口感豐富 油份亦比較重。下一道刺身係醬燒貝，師傅用火槍輕輕炙一炙帶子既表面 再用一塊海苔包住，所以口感係外脆內軟既。 北海道牡丹蝦 鐘意食蝦既朋友一定會好滿足 蝦十分之飽滿 鮮味亦夠 師傅會將蝦頭亦整成天婦羅 唔會浪費每一個部分。接落黎就係一堆手握既壽司 (石鯛，小肌魚，甲魷魚海膽，左口魚裙邊，鰤魚，赤貝，毛蟹，海膽 以及
Omakase從來都係一件好考心機同功夫既事情，師傅要係時間同質素之間取一個平衡，有時多人起上黎 可能同時要serve幾枱客人。好彩今日上到黎，人流唔算多 師傅可以更好控制時間同介紹每一碟菜式。
今日食物既順序編排得好舒服，首先有芝麻豆腐，玉子燒同櫻花蝦油菜作為前菜 三者都屬於淡口既 味道亦不過不失。
刺身部分真鯛、深海池魚都有一片魚腩同一片魚背 可以一次試晒兩種唔到既口感，真鯛較為口感豐富 油份亦比較重。下一道刺身係醬燒貝，師傅用火槍輕輕炙一炙帶子既表面 再用一塊海苔包住，所以口感係外脆內軟既。 北海道牡丹蝦 鐘意食蝦既朋友一定會好滿足 蝦十分之飽滿 鮮味亦夠 師傅會將蝦頭亦整成天婦羅 唔會浪費每一個部分。
接落黎就係一堆手握既壽司 (石鯛，小肌魚，甲魷魚海膽，左口魚裙邊，鰤魚，赤貝，毛蟹，海膽 以及 大拖羅) 當中最討我歡心既莫過於係左口魚，入口即溶既口感 滿口魚油既香 真係令人回味。
食完種種味道相對濃既菜式之後，師傅端出毛蟹蒸蛋，中和返成個感覺 但略厭蟹既味道唔夠突出。下一道菜亦係味道比較淡身既蠔，師傅話蠔係黎自兵庫縣既赤穗蠔 味道會相對其他品種既蠔淡口少少 但會比較脆身同飽滿 。
去到最後一道菜 立魚湯烏冬，本身只係湯 烏冬係師傅特意加落去既，湯出色既 好濃郁既魚味，但烏冬掛湯比較少同淋左少少 有畫蛇添足既感覺。最後師傅用”木瓜蜜瓜”為呢餐畫上一個句號，”木瓜蜜瓜”係一個基因改造既品種 有木瓜既口感 但味道係蜜瓜既味道，感覺都幾有趣。
正打算離開既時候，呢到既主廚突然話請我地飲一杯用人參釀既酒，40%濃既酒阿，我地呢啲平時飲開啤酒既人真係俾佢嚇一嚇，但佢地既熱情友善真係值得加分。
成個omakase歷時3個鐘頭左右，但望住師傅既手藝 時間不知不覺就過左去，呢3個鐘亦同師傅上左一堂 學到好多野。
張貼
