影片
更多
2010-11-06
125 瀏覽
近排行開灣仔及銅鑼灣一帶，如果想飲茶都會幫襯稻香皇室堡店或者稻香信和廣場店，因為稻香集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!今次又再行開灣仔及銅鑼灣一帶，大家又想飲茶，之前先後幫襯過富臨、稻香皇室堡店同埋稻香信和廣場店都唔錯!由於今次經過皇室堡果頭，所以就決定幫襯稻香皇室堡店啦!我地去到等咗一陣就有位，今次我地坐卡位呀!稻香皇室堡店之前幫襯過1次午飯同埋1次晚飯，今次係我第3次嚟幫襯，總算冇令我失望，質素保持水準同樣唔錯呀!味道方面，今次2個人叫咗幾款點心、1碗切雞河粉同埋1碗切雞米線，味道皆唔錯!食物包括1)切雞河粉:切雞入味，但係唔新鮮!河粉唔薄又淋，分量足夠!湯味尚算討好，鹹淡適中!(2)切雞米線:切雞入味，但係唔新鮮!米線口感唔錯，分量足夠!湯味尚算討好，鹹淡適中!(3)豉汁蒸排骨:排骨新鮮入味!醬汁有豆豉香，好惹味!(4)蠔皇鮮竹卷:蝦粒同埋蔬菜等餡料都新鮮，水分充足!鮮竹皮幾嫩，醬汁味道討好!(5)香茜牛肉腸:牛肉餡料太碎冇乜口感，味道較清淡!腸粉皮厚咗少少!(6)日式煎餃子:香口程度啱啱好，餡料入味，湯汁鮮甜充足!(7)潮州蒸粉
味道方面，今次2個人叫咗幾款點心、1碗切雞河粉同埋1碗切雞米線，味道皆唔錯!食物包括:
(1)切雞河粉:切雞入味，但係唔新鮮!河粉唔薄又淋，分量足夠!湯味尚算討好，鹹淡適中!
(2)切雞米線:切雞入味，但係唔新鮮!米線口感唔錯，分量足夠!湯味尚算討好，鹹淡適中!
(3)豉汁蒸排骨:排骨新鮮入味!醬汁有豆豉香，好惹味!
(4)蠔皇鮮竹卷:蝦粒同埋蔬菜等餡料都新鮮，水分充足!鮮竹皮幾嫩，醬汁味道討好!
(5)香茜牛肉腸:牛肉餡料太碎冇乜口感，味道較清淡!腸粉皮厚咗少少!
(6)日式煎餃子:香口程度啱啱好，餡料入味，湯汁鮮甜充足!
(7)潮州蒸粉果:餡料普通，味道適中!粉果皮稍為厚咗少少!
(8)竹笙碗仔翅:味道討好，仲有好多肉絲同埋粉絲等等嘅材料!
(9)金肚陳村粉:金錢肚夠正宗夠淋身!陳村粉過厚，難索碟底嘅醬汁，但係都尚算入味!
(10)雞絲粉卷:餡料足夠，粉卷皮夠薄!
(11)干蒸牛肉燒賣:牛肉做嘅燒賣幾特別，食落口似牛肉球!牛肉燒賣蒸過火，乾咗少少!
環境方面，稻香皇室堡店係早前至重新裝修過，地方都尚算新淨，佢嘅裝修設計同稻香信和廣場店一樣較為富時代感同新潮!佢都幾先進架，有引入電腦座位分配系統(電腦票、電視屏幕顯示叫號及電腦聲音叫號)、自動感應水龍頭、自動感應梘液機等先進設備，至於電視機比較少囉!呢個舖都幾大，又夠通透，又唔係身處於比較舊嘅樓宇中，冇柱多、橫樑多及樓底矮等等嘅問題，整體都坐得舒適!
服務方面，中規中矩啦，大部分服務員做野都有效率，幾有禮貌!如果各個服務員有多D適當嘅笑容就好啦!
衛生方面，碗碟尚算乾淨，地方企理，洗手間尚算乾爽!
抵食方面，星期一下午茶茶位$6，各款點心嘅價錢都大眾化，算抵食架啦!
整體來講，各款點心價錢化算又多選擇!至於食物、環境、服務、衛生各方面質素都唔錯，值得幫襯呀!
張貼
