影片
以上資料只供參考, 請與餐廳確認詳情
招牌菜
原來1蚊雞已經搞左成個月到佢last 幾日我先知咁就即刻衝去食啦四個人叫左2隻雞, 4個小菜, 2個飯1蚊雞無切原隻上, 因為如果要佢切就要加38蚊, 咁就無左食1蚊雞既快感啦不過佢有俾交剪同手套, 基本上都好易處理皮脆肉嫩, 正!!!另外叫左咕嚕肉, 欖角四季豆, 魚香茄子花膠煲同炒通菜相比之下, 呢幾個小菜就有D遜色魚香茄子花膠煲既花膠最怪, 係爽既, 同我地認知中既花膠相反四個小菜都合格既, 不過唔同飯一齊食, 就咸到癲另外, 服務真係唔太好, 無侍應既, 想落單, 舉手舉左勁耐都無人理, 要自己行去個侍應面前
繼續閱讀
今日同亞女去銅鑼灣返學，行街shopping順便食下午茶！阿女突然間話想食點心，所以就嚟到皇室堡呢間稻香但個下午茶點心先！下午茶時間過到嚟唔使等位，不過員工似乎有點不耐煩，唔知係咪仲住左佢食飯呢我哋兩個人叫咗四碟點心，分量剛剛好！叉燒腸粉-配料很多，腸粉也做得很滑，只是叉燒味道比較濃，加埋甜豉油就有點鹹了煎餃子-這個不過不失，普普通通，係凍咗啲糭-這個味道10分好，餡料豐富，糯米軟硬適中，熱辣辣正出嚟香味也很吸引鹹水角- 裏面餡料就比較少，大小正常，皮都比較煙銀軟糯！我覺得這間稻香比較遜色，未能保持一般水準
繼續閱讀
今日同老婆2個黎左銅鑼灣行街，行完街之後即興黎左皇室寶稻香打邊爐。稻香的邊爐唔係任食，而係散叫的。款式都算多，價錢合理，但其實2個人食都真係唔係叫到好多款野食，所以叫既時候都諗左諗。湯底其實都有好多款選，例如芫茜皮蛋，沙爹，花雕醉雞鍋，再特色d既有麻辣鴨血鍋等。我地最係都係叫左招牌清湯鍋。我地都只係叫左5樣餸，包括韭菜魚餅 $28，雲吞$38安格斯肥牛 $128潮汕牛丸 $28午餐肉 $28五福蔬菜盤48咁多樣餸入面比較值得推介既係韭菜魚餅。呢一樣比平時都比較少食到。而我相信中意食韭菜既人都一定好中意食，因為成塊魚片都充滿了韭菜，而且好香韭菜味。而安格斯肥牛就嘛嘛地，一黎沒有牛味，而且肉質都比較韌，其他的餸側沒有什麼特別。
繼續閱讀
見到稻香超級漁港做緊阿拉斯加長腳蟹優惠，所以兩口子昨晚去了銅鑼灣分店食，上到去開了茶落單，侍應話今晚要$788，我話今天是星期三，不是$688嗎？她說這優惠已沒有，要$788，算了，然後她又說沒有4斤以下，至少4斤半，因為宣傳單張有講明，所以補差額，這倒沒有問題，但蟹到了上桌，一望下這有4斤半嗎？而且蟹肉一剪開肉不實有水，肉不鮮似死蟹，極度非常失望而且有被騙之感！侍應說客人不能去選蟹(現在明白為什麼不能親自挑選😡)，而且亦沒有在煮前讓我們確認，所以其實是否新鮮及足稱也不知道！飯後一肚氣和朋友說，剛好不久前朋友也食長腳蟹，不過在海港食，他那隻也是4斤半，俾相我睇，OMG😰差咁遠既🤬佢話海港反而係要自己親自揀，有個阿叔企喺魚缸上，揀好即稱即報價，ok就講埋點整然後即刻直接俾經理去廚房，朋友話咁樣唔使拗撬，而且佢地做推廣一個價錢，不會上到去先又話冇呢個優惠又要加呢樣個樣咁……唉……聽完更覺中伏😭🤬😡 食飯期間，仲聽到小插曲，隔離枱食唔晒D食物，叫個侍應拎外賣盒，侍應話唔可以帶走，因為係特價小菜，所以不能外賣，枱客話我地唔係外賣，我地只係食唔晒，唔想嘥而已，問埋經理話公司規定唔可以帶走，我地心諗，唔使咁呀？🙁最後，枱客走了，剩餘食物留在碟上，浪費到呢🤬呢個飲食集團，係用咩營運手法？希望大家留意，別中伏！！！
繼續閱讀
半日安，去找朋友 tea 一 tea, 我 1330到，但經已可以先拿下午茶既籌！呢度既茶杯﹠碗比起出面酒樓細20﹪！粥軟綿但偏咸，吾夠熱！义燒酥吾脆，肉少，但醬過多，不過勝成芝蔴比出面地方多很多，所以食落有好重既芝蔴香味！另外叫了灼生菜，灼得很好，爽口，但酒樓用豉油去代替蠔油！刴椒蒸豬手，辣椒很溶爛，有樣無味，但夠淋！鴨腳扎拼雞扎，我很喜歡這個配搭。但內藏貢丸，創新有餘，味道不足，腐皮用蒸腐皮，不是正崇廣東點心腐皮。
繼續閱讀