影片
更多
2010-11-03
19 瀏覽
近排行開上環一帶，如果想飲茶都會幫襯富臨信德中心店，因為富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!可惜富臨信德中心店已經結業!今次行開九龍灣一帶，大家又想飲茶，之前幫襯過喜悅軒、百樂門就麻麻地，最近幫襯過稻香就等位好耐，而之前亦有幫襯過富臨九龍灣店就冇乜唔好，所以决定幫襯佢!我地去到等咗一陣就有位啦!富臨九龍灣店係我第2次嚟幫襯，同樣冇令我失望，質素保持水準同樣唔錯呀!味道方面，今次2個人叫咗幾款點心、1碗極品燒鵝瀨粉及1碗豉油雞瀨粉，味道皆唔錯!食物包括1)極品燒鵝瀨粉:燒鵝幾入味，皮好香!瀨粉分量足夠，幾爽口!湯味討好，鹹淡適中!(2)豉油雞瀨粉:豉油雞口感唔錯，夠新鮮!瀨粉分量同樣足夠，幾爽口!湯味討好，鹹淡適中!(3)富臨蝦餃皇:蝦餃嘅蝦夠新鮮同入味，蝦餃皮厚薄適中!(4)煎釀茄子:煎得夠香口，魚肉好有鮮味，豉油汁味道適中!(5)濃湯上海餃子:餡料雖然鹹咗少少，但好惹味!湯味反而較為清淡，一鹹一淡配搭幾好!(6)花姿炸雲吞:花姿餡新鮮好味!炸得夠脆，油分多咗少少!環境方面，富臨九龍灣店據我所知營業咗唔係好多年，地方都唔算殘舊，佢嘅裝
味道方面，今次2個人叫咗幾款點心、1碗極品燒鵝瀨粉及1碗豉油雞瀨粉，味道皆唔錯!食物包括:
(1)極品燒鵝瀨粉:燒鵝幾入味，皮好香!瀨粉分量足夠，幾爽口!湯味討好，鹹淡適中!
(2)豉油雞瀨粉:豉油雞口感唔錯，夠新鮮!瀨粉分量同樣足夠，幾爽口!湯味討好，鹹淡適中!
(3)富臨蝦餃皇:蝦餃嘅蝦夠新鮮同入味，蝦餃皮厚薄適中!
(4)煎釀茄子:煎得夠香口，魚肉好有鮮味，豉油汁味道適中!
(5)濃湯上海餃子:餡料雖然鹹咗少少，但好惹味!湯味反而較為清淡，一鹹一淡配搭幾好!
(6)花姿炸雲吞:花姿餡新鮮好味!炸得夠脆，油分多咗少少!
環境方面，富臨九龍灣店據我所知營業咗唔係好多年，地方都唔算殘舊，佢嘅裝修設計唔算豪華或者高雅!佢亦冇其他酒樓咁先進，冇引入電腦座位分配系統(電腦票、電視屏幕顯示叫號及電腦聲音叫號)、自動感應梘液機等先進設備!電視機唔多，但係畫質就尚算見得人!呢個舖都算幾大，又夠通透，又唔係身處於好舊嘅樓宇中，冇柱多、橫樑多及樓底矮等等嘅問題，整體都坐得舒適嘅!
服務方面，中規中矩啦，大部分服務員做野都有效率，係埋單耐D!如果各個服務員有多D適當嘅笑容就好啦!
衛生方面，碗碟尚算乾淨，地方企理，洗手間唔夠乾爽!
抵食方面，星期日下午茶茶位$6、各款點心嘅價錢都大眾化，算抵食架啦!
整體來講，各款點心價錢化算又多選擇!至於食物、環境、服務、衛生各方面質素都唔錯，幫襯得過啦!
張貼
