14
8
4
餐廳: 富臨漁港
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
電話號碼
2759 1808
營業時間
星期一至日
07:00-00:00
付款方式
Visa Master AE 現金
其他資料
酒精飲品
加一服務費
電視播放
食評 (30)
偷閒下午茶 焦點食評
等級4 2016-06-11
1886 瀏覽
富臨一向都價廉物美,今日同老公去左一間唔係好就腳既富臨,我地係香港仔出發,搭107坐到總站就係啦!今日我地飲下午茶,睇下張紙,普遍都11.8/13.8/14.8,價錢唔靚,幾親民。古綿馬拉糕: 金黃色馬拉糕一向都係老公最愛,糕點熱呼呼,而且好軟熟,層次分明,佢最中意就係食邊位,甜度亦適中。四寶滑雞扎: 四寶包括火腿,冬菇,棉花(魚肚)同雞件。厚厚既火腿,加上大大既冬菇,爽口魚肚再以腐皮包住,札成一卷。火腿咸咸地,雞件就油左d,令腐皮索晒d啦!北菇棉花雞: Unexpected!棉花雞底居然係一堆芋頭,起碼有成四,五件,宜家食棉花雞還是芋頭?味道同雞札差唔多,但都係比較油,早知係食芋頭我淨係叫雞札算啦!極品燒鵝瀨粉: 大大碗十分超值!14.8咋!有六件燒鵝,仲有菜食tim!燒鵝皮脆肉嫩,啲肉好有味,唔霉又唔韌,fit晒一人份量。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-06-01
1081 瀏覽
Megabox雖然多食肆,但今日我行遠少少,去左企業廣場富臨。漁港飲下午茶。下午茶兩點開始,今次坐左入廳坐,大堂已經爆晒,不過都係廳好,夠靜,冷氣又夠凍鮑汁炆鳳爪: 鮑汁唔入味,唔知係咩汁,無乜味而且份多,鳳爪炆得唔淋,硬硬地唔好咬,鳳爪都無乜味。香茜牛肉腸: 牛肉唔明顯,變左一堆牛肉蓉,牛肉偏咸,但腸粉好滑唔厚,幾通透,加埋腸粉豉油之後幾好味。鮮蝦菜苗餃: 餃皮薄,一望就可以睇到入面既餡,餃皮黏性高,唔會一夾就鬆散。菜同蝦足料,$11.8有四粒相當超值。芝麻流沙包: $14.8有三個,黎到已經見到啲黑色點點係包面,feel到啲芝麻好似想迫出黎咁。唔使講咁多即將咬啖先,啲芝麻超級多,真係好有流沙feel,食到我成個口都係。蠔皇鮮竹卷: 啲汁有啲咸,鮮竹卷有三條,幾黏唔易鬆散,不過就比較油。下午茶,唔食咁多野啦,飲多兩杯鐵觀音吧! 繼續閱讀
(以上食評乃用戶個人意見 , 並不代表OpenRice之觀點。)
原來富臨集團呃d客人系已經有前科…報紙上見到惠顧晚市即送清蒸沙巴珍珠龍躉 入去前問過系咪送佢話系 之後坐底食埋條魚食埋個白飯 埋單佢話要叫一個小菜先送 仲話:叫個小食都好丫之後我就諗住坐返低諗住睇下有咩食 但真心無樣啱食 之後忽然有個著住黑色西裝既人過尼同我講:阿婆尼都嗌個小菜啦 我心諗:你依家歧視阿婆會窮d? 我就答佢:阿婆同後生同叫唔叫小菜又有咩關係?佢就話:張coupon上有寫要惠顧晚飯 我答佢:你又無寫要小菜,白飯唔係晚飯?一個人食個白飯加條魚咩都夠啦 我叫條魚果陣你又吾講?佢話:你咁樣我地會好蝕 你可以埋單走既 不過我要搵店長出尼 我心諗:蝕唔起唔好做呢d優惠啦 我話:點解要搵店長呢?人地稻香講到明一蚊雞就真係一蚊雞 你地咁樣做生意唔得架喎跟住佢話:一人讓一步 你嗌多個小菜我送個甜品俾你啦最後叫多左個炒粉絲真心咩都食唔落 一肚氣 嗌個送唔係問題 但問題係張coupon無寫 然後依家感覺就好似俾人坤咁 所以一定要打上尼 ps. 條魚都幾好食既 繼續閱讀
(以上食評乃用戶個人意見 , 並不代表OpenRice之觀點。)
等級4 2016-02-27
663 瀏覽
今日午餐,我們選了公司樓下的酒家,因午餐時間只有一小時,不好行得太遠,要爭取吃的空閰地點是九龍灣富臨漁港,連鎖店的酒樓,會是比較經濟底食。不会太差。酒樓裝修稍為暗和舊,座位有卡座及堂座,一般般水準冇什麼驚喜,最重要是價錢和品質成正比。可能近期股票跌幅大,茶客明顯比之前少,所以一到步立刻有位。侍應開茶及送來点心紙. 我們叫了很多點心:蟹子燒賣,夠熱, 肉質好, 一般水準.煎堆仔, 好鬆脆, 芝麻又香, 好睇好食. 必食推介 鮑汁鳳爪, 涼拌雲耳, 兩款未味汁也好.  鳳爪很淋, 雲耳爽而醋汁惹味開胃.蘿蔔酥, 表皮沒有層次, 內料太淋, 不理想  煎蘿蔔榚, 煎得香, 又有臘味粒, 不錯套餐是一哥义燒拼一窩湯米粉,叉燒都好香好甜好味道, 入口疏化, 唔會硬及實, 肉質夠淋, 有些麥芽糖, 又有菜芯, 沒有味精 肉絲炒麪, 炒麪很香脆, 配料多, 味道好, 入口一流荷葉飯, 有冬菇粒, 肉粒, 調味好, 有香荷葉味  甜品双皮奶. 蒸得時間剛好, 很滑不太甜. Good.大家飽飽, 高興茶聚後又上班了.每人85。抵食. 繼續閱讀
(以上食評乃用戶個人意見 , 並不代表OpenRice之觀點。)
等級4 2015-09-16
830 瀏覽
同事生日去了富臨飲茶, 我一直都對富臨食物有保留, 覺得好麻麻的.  今日我們叫左好多點心, 有燒腩仔, XO醬炒腸粉, 叉燒包, 南瓜煎堆, 蝦腸, 叉燒腸, 鳯爪, 壽包, 蝦餃, 上湯浸豆苗, 菜苗餃, 潮州粉果, 馬拉糕....燒腩仔我覺得唔夠脆, 但都唔肥的, 算廋, 腸粉OK, XO醬唔夠惹味, 叉燒及鮮蝦腸都好味的, 蝦夠大隻及爽口, 煎堆好味, 夠晒薄, 好香, 如果熱D仲正呀, 黑糖馬拉糕好好味, 好香又唔甜, 夠綿呀, 估唔到的. 粉果麻麻地呀, 個皮好痴, 一夾起就爛咁. 壽包都幾大個, 入面係半隻咸蛋黃, 蓮蓉幾滑身, 好味呀. 個包都幾幼細的.之後叫甜品, 嚟左一碗芒果涼粉, UM....點解係暖身的, 唔係凍架咩. 我問仕應涼粉係咪凍食, 佢話係, 我話但係一D都唔凍, 佢話係雪櫃攞出嚟的, 但真的唔凍, 所以我退左.呢度食物唔太出色, 但服務仲唔出色, 仕應係黑口黑面, 冇反應及青情的, 總之係完全感受唔到服務熱誠的一間酒樓. 繼續閱讀
(以上食評乃用戶個人意見 , 並不代表OpenRice之觀點。)