神木日本料理 (已結業)

今次去左觀塘食2小時日式燒肉放題，放題分三個價錢，分別係戒牛者精選、澳洲M7和牛同日本A5仙台和牛。放題除左肉類外，仲有主食、刺身、小食、壽司、海鮮、串燒、野菜、甜品同水果。我地叫左澳洲M7和牛，店員會先上一盆和牛拼盤、刺身拼盤同海鮮拼盤，包括有M7上肩胛肉、M7肩胛小排、M7肩胛里肌、厚切牛舌及原塊美國頂級安格斯牛板腱，M7和牛油花分佈均勻，肉味香濃，厚切牛舌入口爽口彈牙，頂級安格斯牛板腱大大塊，非常吸引。刺身拼盤包括有甜蝦、三文魚、油甘魚、帆立貝同北寄貝，刺身新鮮肥美。海鮮拼盤有扇貝、鮑魚、蜆同大蝦，大蝦肉質結實彈牙。前菜有自制飯團，餡料有熟芥末八爪魚沙律、龍蝦沙律及粟米沙律。自助區有海鮮、串燒、茶碗蒸、蔬菜、甜品、雪糕、飲品等等。吾夠喉仲可以scan code追加，我地就追加左冷蕎麥麵、牛肉湯拉麵、一口芝士、日式煎餃子、吉列廣島蠔、吉列炸蝦同芝麻雞翼，炸物控制火喉得宜，脆卜卜、幾好食。